سەرۆک دانۆڵد ترامپ زۆر لایەنی بۆ توندوتیژییەکانی شارلۆتسڤیلی ڤێرجینیا تاوانبار کرد کە لە ئەنجامی خۆپیشاندانێکی نەتەوەپەرستە سپیپێستەکان ڕوویدا.
لێدوانەکانی سەرۆک کاردانەوەیەکی کەمی لێکەوتەوە. دیموکراتەکان و هەنێک لە کۆمارییەکان داوایان لێ کردووە کە بە ڕوونی ئیدانەی ڕەگەزپەرستی سپێکان و ڕوق و کینە لەسەر بنەمای ڕەگەزی بکات. جێگری سەرۆک مایک پێنس پشتیوانی لە وتارەکەی سەرۆک کرد. ماڵپەڕێکی پشتیوانانی سپیپێستە ڕەگەزسپیپێتەکان پەسنی لێدوانەکەی کردووە.
سەرۆک ترامپ لە لێدوانەکەیدا گوتی " ئێمە بەتوندترین دەستەواژە ئەم رقوکینە و دەمارگیری و توندوتیژیە زەقە لە چەندان لایەنەوە شەرمەزار( مەحکوم ) دەکەین. ئەمە زۆر لەمێژە لە وڵاتەکەماندا هەیە نەک لەکاتی دانۆڵد ترامپ نەک لە کاتی باراک ئۆباما ئەمە زۆر زۆر کۆنە."
شارەوانی شارلۆتسڤیل مایکڵ سینگەر کە دیموکراتە گوتی " من بە ڕوونی دەیڵێم ئەوەی ئەمڕۆ لە ئەمەریکا ڕوودادەت دەخەمە سەر کۆشکی سپی و کەسانی دەوروبەری سەرۆک."
سیناتۆر کۆری گاردنێری کۆماری لە تۆڕی کۆمەڵایەتی تویتەری نوسیویەتی " سەرۆک پێویستە ئێمە بەدکار بەناوی خۆی بانگ بکەین. ئەمانە ڕەگەزپەرستە سپیپێستەکان بوون ئەمە تیرۆرسمی ناوخۆییە."
سیناتۆر مارکۆ ڕۆبیۆی فلۆریداش کە کۆمارییە بەهەمان شێوە لە تۆڕی کۆمەڵایەتی تویتەری نوسیویەتی " زۆر گرنگە بۆ گەلەکەمان کە بزانن ئەوەی لە شارۆتسڤیل ڕۆیدا هێرشێکی تیرۆستی ڕەگەزپەرستە سپیپێستەکان بوو."
جێگری سەرۆک میک پێنسیش دەڵێت " هەر وەکو ترامپ گوتی پێویستە هەمومان وەکو ئەمەریکایی بە خۆشەویتییەوە لەم کاتەدا یەکگرتوو بین دڵسۆزی ڕاستەقینەمان بۆ یەک هەبێت."
سەرۆکی پێشوی ئەمەریکا بل کلنتنیش بە ڕیگای تویتەرزی دەڵێت " تنانەت لە کاتێکیشدا کە ئێمە ئازادی ڕادەربڕین و کۆڕوکۆبونەوە دەپارێزین ، پێویستە توندوتیژی و ڕقی ڕەگەزپەرستە سپیپێستەکان مەحکوم بکەین.".