بەمەبەستی هاوکاریکردنی تووشبوانی شێرپەنجە، خانمە هونەرمەندێک لە شاری سلێمانی پێشانگایەکی شێوەکاری بۆ تابلۆکانی کردەوە و داهاتەکەشی بە نەخۆشخانەی هیوا دەبەخشێت.
نسار ئەمین ئاغا
نسار ئەمین ئاغا، هونەرمەند و خاوەنی پێشانگا هونەرییەکە لە لێدوانێکیدا بۆ دەنگی ئەمەریکا وتی کە بۆ ماوەی دوو ساڵە پلانی ئەوەی هەیە لە پێشانگایەکی هونەریدا سوودێک بە توشبوانی شێرپەنجە بگەیەنێت و لە پێشانگا هونەرییەکەشدا ژمارەی تابلۆکان پەنجا دانەیە و بەسەر چەند جۆرێکدا دابەشدەبن.
یەکێک لە تووشبوانی شێرپەنجە لە پێشانگاکە
لە پێشەنگا هونەرییەکەدا کە چەند تووشبوویەکی نەخۆشی شێرپەنجە ئامادەبوون، دڵخۆشی خۆیان دەربڕی و ئەم کارەی هونەرمەند نسار ئەمین ئاغایان بەرز نرخاند.
هەروەها خانمە هونەرمەند، نسار ئەمین ئاغا داوای لە هەموو لایەنەکان و بەتایبەتیش سەرمایەداران کرد کە دەستی کۆمەکی بۆ تووشبوانی شێرپەنجە درێژبکەن.
Your browser doesn’t support HTML5
ڕێباز مەجید