لە دووا ساتەکانی ساڵی 2018 عەفرینییەکان بە ساڵێکی پڕ لە ئازار ناودێری دەکەن کە تیایدا هێرش کرایە سەر هەرێمەکەیان و بە ناچاری کۆچیان کرد و لە ماڵەکانی خۆیان هەڵاتن.
عەفرینییەکان هیوادارن ساڵی 2019 ببێتە ساڵی گەڕانەوەیان بۆ سەر ماڵوحاڵی خۆیان.
ئیبۆ بانیک یەکێک لە ئاوارەکانی عەفرین
ئیبۆ بانیک یەکێکە لە ئاوارەکانی عەفرین و لە کەمپی پەنابەران دایە بە دەنگی ئەمەریکای ڕاگەیاند " 2018 ساڵێکی ڕەش بوو بۆمان، کاتێک هێرش کرایە سەر عەفرین و ئێمە لە وڵاتی خۆماندا ئاوارە بوین. هیوادارین ساڵی 2019 ئێمە بگەڕێیەنەوە ماڵەکانی خۆمان".
حسێن عەلۆ ئاوارەیەکی عەفرین
حسێن عەلۆ ئاوارەیەکی تری عەفرینە دەڵێت " لە ساڵی 2018 ئێمە کەوتینە ژێر زوڵمی تورکەکان و لە ماڵەکانی خۆمان هەڵاتین هیوادارین لە ساڵی داتوو هەموان بگەڕێینەوە."
شایانی بەبیرهێنانەوەیە لە مانگی 1 ی ساڵی 2018 لەشکری تورکیا و چەکدارە توندڕەوەکان هێرشیان کردە سەر عەفرین ئەو شەڕە 58 ڕۆژ بەردەوام بوو و پاشان دەستیان گرت بەسەر هەرێمەکەدا. لەو کاتەدا زیاتر لە 200 هەزار هاووڵاتی عەفینی ئاورە بوون.
Your browser doesn’t support HTML5
نەورۆز ڕەشۆ