عەدنان کۆچەر: بۆ گەمەی سیاسی هەر لایەک دەیەوێت خۆپیشاندانەکانی عێراق دژ بەلاینی‌ تر بەکاربێنێت

ئایا پشتیوانی هیچ لایەنێکی سیاسی، یاخود هێزێکی دەرەکی بۆ خۆپیشاندانەکانی عێراق بەدی دەکرێت.

سەرۆکی تورکیا رەجەب تەیب ئۆردوغان ئەڵێت ئەگەری هەیە خۆپیشاندانەکانی عێراق باڵبکێشێت بۆ ئێران، ئۆردوغان لە سەر چ بنەمایەک ئەم پێشبینیە دەکات؟.

کاریگەری ئەم خۆپیشاندانانە لەسەر کورد چی ئەبێت؟.

ئایا نەمانی ئینتەرنێت کاریگەری دەبێت لەسەر خۆپیشاندانەکان؟.

لەگفتووگۆیەکی عەدنان کۆچەر چاودێری سیاسی بۆ دەنگی ئەمریکا لەگەڵ وریا کاڵێ دەڵێت " ئەم خۆپیشاندانانە خۆرسکە، کۆمەڵێک گەنجی خوێن گەرم تەمەشا ئەکەن داهاتویان دیار نیە، دەرفەتی کار نیە، دەیان هەزار دەرچووی کۆلێژ و کرێکاری بێ ئیش لەزۆرینەی شارەکانی باشور بڵاوبۆنەتەوە، ئەمە هۆکاری خۆپیشاندانەکانە".

هەروەها دەڵێت " بۆ گەمەی سیاسی هەرلایەنەو دەیەوێت توومەتێک بەلایەنێکی کە ببەخشێتەوە، تۆمەت بە وڵاتێک، یاخود لەکەدارکردنی چەن کەسایەتی سیاسی، لەڕاستیدا گەمەی سیاسیە بەڵام خۆپیشاندانەکان خۆرسکە".

گفتووگۆ لەگەڵ عەدنان کۆچەر