له سنوری پاریزگای هه‌ڵه‌بجه 6 حاڵه‌تی توش بوون به ڤایرۆسی كۆڕۆنا ڕاگه‌یه‌ندران و پێنج كه‌سیان هاوڵاتی خانه‌واده‌یه‌كن و هاوڵاتیه‌كی دیكه‌شیان پیشه‌ی یاریده‌ده‌ری پزیشكه و به‌ركه‌وتنی له‌گه‌ڵ چه‌ندین هاوڵاتی دیكه‌دا هه‌بووه.
دکتۆر ئازاد مسته‌فا، به‌ڕێوبه‌ری گشتی ته‌ندروستی هه‌ڵه‌بجه له لێدوانێكدا به ده‌نگی ئه‌مریكای ڕاگه‌یاند له ئێستادا سه‌رجه‌م هاوڵاتیه‌كان خراونه‌ته ژێر چاودێریه‌وه و ڤایرۆسه‌كه‌ش له هه‌ڵه‌بجه به جۆرێك بڵاوبووه‌ته‌وه كه كه‌سه یه‌كه‌مه‌كان نادیارن.
به‌ڕێوبه‌ری گشتی ته‌ندروستی هه‌ڵه‌بجه ده‌ڵێت له ئیستادا گه‌ڕان به شوێن به‌ركه‌وته‌ی ئه‌و كه‌سانه دا ده‌ستپێكراوه و ڕێژه‌یه‌كی زۆریشن.
نوخشه ناسیح، قایمقامی هه‌ڵه‌بجه له لێدوانێكدا به ده‌نگی ئه‌مریكای ڕاگه‌یاند، ڕێوشوێنه‌كان توند ترده‌كه‌ن و هێزه ئاسایشیەکانیان لە سەقام و کۆڵانەکانی شارەکەدا داناوە.
به پێی زانیاریه‌كانی ده‌نگی ئه‌مریكا، هەروادێ و ڕێژه‌ی هه‌ڵگرانی ڤایرۆسی کۆرۆناله هه‌ڵه‌بجه به‌رز ترده‌بیته‌وه، و به‌رپرسانی ته‌ندروستی هه‌ڵه‌بجه‌ش دواكارن له هاوڵاتیان هه‌ركه‌سێك كه به‌ركه‌وتنی هه‌بووه به‌تایبه‌ت له‌گه‌ڵ یاریده‌ده‌ری پزیشكه‌كه پێویسته به زووترین كات په‌یوه‌ندی به تیمه‌كانی ته‌ندروستیه‌وه بكات.
زانیاری زیاتر لە دەقی ڕاپۆرتەکەدایە:
Your browser doesn’t support HTML5
ڕاپۆرتی فەرحان هەورامانی لە هەڵەبجەوە