لە ڕۆژی جیهانی پەنابەراندا دەربەدەرە عەفرینییەکانی کەمپی ئاوارەکانی هەرێمی شەهبا لە ڕەوشێکی زۆر سەختدا دەژین.
ئەو کۆچبەرانەی کە ژمارەیان زیاتر لە 137 هەزارە لە پێنج کەمپ و 42 گوندی کە بەهۆی شەڕەکانەوە وێران بوون دەژین.
کەمپی ئاوارەکان لە هەرێمی شەهبا
لەبەر ئەوەی کە نەتەوە یەکگرتووەکان ئەو شوێنانەی وەکو شوێنی پەنابەران نەناساندووە، هاوکارییە مرۆییەکان و بەتەنگەچوونی ئەو ئاوارانەی عەفرین زۆر کەمە.
نوژیان عەڵی یەکێک لە ئاوارە عەفرینییەکان بە دەنگی ئەمەریکای ڕاگەیاند " هیچ ڕێکخراوێکی مرۆیی هاوکاری ئێمە ناکات، زۆر لەو بۆمبانەی داعش چاندبوونی بە منداڵەکانماندا تەقیونەتەوە هێشتاش جیهان بێدەنگە و ئێمە وەکو پانبەر هەژمار ناکەن."
ئاوارەکانی عەفرین نەک تەنها ژیانێکی سەختیان هەیە بەڵکو ڕۆژانە لە مەترسیشدا دەژین بەهۆی شەڕو تۆپبارانەکانی هێزی ڕوسی و لەشكری تورکیا لەلایەن و لە لایەکیتریش هێرشەکانی لەشکری تورکیاو کۆمەڵە چەکدارەکانی کە تورکیا پشتیوانیان لێدەکات.
زانیاری زیاتر لەم ڕاپۆرتەی پەیامنێرمان نەورۆز ڕەشو لە هەرێمی شەهباوە ببیستە.
Your browser doesn’t support HTML5
نەورۆز