سەعدی پیرە: یەکێتیی ئەو هێڕشەی تورکیا تاوانبار و شەرمەزار دەکا وە بە هێڕشێکی ناڕەوا داێدەنی

تورکیا دەست بە هێڕشێکی بەریلاوی بۆ سەر باشوری کوردستان و هێزەکانی پارتی کرێکارانی کوردستانی کردووە و زۆری وڵاتانی جیهان، نەتەوە یەکگرتووەکان و بگرە هەرێمی کوردستان وعێراقیش، جگە لە چەند وڵاتێک تا رادەیەکی زۆر بێدەنگن.

ئاخۆ هەڵویستی یەکێتیی نیشتمانی کوردستان لەمبارەیەوە چییە

وەکو دەووترێ ئەمە یەکەمین و دوواترین شەڕی تورکیا لەگەڵ پەکەکەدا نییە وە نەک هەر تورکیا لە شەڕی پەکەکەدا خۆێ تاقیکردووەتەوە بەڵکو لایەنە کوردیەکانیش کە پێیان نەکراوە پەکەکە ببەزێنن، ئاخۆ تورکیا بە دووای چ دەسکەوتێکدایە

ئاخۆ تا چەند ئەو ئاڵۆزییەی کە لە زینی و وەرتێ رووێ دا بەم هێڕشانەوە گرێدراوە

تورکیا چما سوورە لەسەر کونترۆڵکردنی ناوچەی هەفتانین وە ئەگەر بێت و تورکیا ئەو ناوچانە داگیڕ بکات چ کاریگەریەکی لەسەر بارودۆخی ئاسایشی هەرێم دەبێت

لە رووێ کاری دیپلۆماسیەوە چ لە ناو خودی هەرێم، لەگەڵ بەغدا وە یاخود وڵاتانی تردا یەکێتیی چی لە دەستی دێت

ئەوەی تورکیا دەیکات پێشیلیە لە سەروەری عێراق، ئایا عێراق چرای سەوزی بە تورکیا داوە، وە ئەگە نە ، چما رێگری لە تورکیا ناکات لە ڕاگرتنی هێڕشەکانی

سەعدی پیرە ئەندامی مەکتەبی سیاسی یەکێتیی نیشتمانی کوردستان لە هەڤپەیڤینێکدا لەگەڵ بەشی کوردی دەنگی ئەمەریکا دەڵێت " لە راستیدا ئەم هێڕشەی تورکیا بۆ سەر هەرێمی کوردستان هێڕشی یەکەم نییە و هێڕشی کۆتاییش نابێ، سیاسەتی تورکیا وە کێشەکانی تورکیا لەگەڵ ئەم ناوچە و لەگەڵ خۆیان کێشەیەکە کۆتایی نایەت، هەر جارێک هەر کاتێک سەرۆک کۆماری تورکیا وە یاخود ئاکەپە کێشەکانی ناوخۆێ تورکیایان پێی چارەسەر نەکرێ لە سیاسی، ئابوری و کۆمەڵایەتی هەوڵی ئەوە ئەدەن تەنگەژەیەک درووست بکەن بۆ ناردنە دەروەی ناوکۆکیەکان بۆ دەروەی تورکیا بۆ تەماشا کردن و سەرنج راکێشانی خەڵک بەرەو کێشەکانی دەرەوەی تورکیا، وە ئەمە یەکەم جار و دووەم جار و سیەم جار نییە "

کاکە سەعدی هەر وەها دەڵێت " پەکەکە وەکو بزوتنەوەیەکی گەلی کورد لە تورکیا ، بزوتنەوەیەکە سیاسەتێکی دیاریکراوی هەیە وە دەرئەنجامێکی مەنتقیە بۆ پشت گوێ خستن و سۆکایەتی کردنە بە خەڵکی کوردستان وە هەر وەها توند و تیژی و رادیکاڵی پەکەکەبە ئەندازەی رادیکالیزمی سیستمی تورکیایە بەرامبەر بە پرسی کورد، ئەمە کاردانەوەیە، ئەمە کار نییە، وە چارەسەری ئەوە بە هیچ شێوەیەک لە رێگای سەربازیەوە نییە وە تا ئێستا هیچ حکومەتێک لە تورکیا نەماوە ئەو رێگاییەی تاقی نەکردبێتەوە ".

کاک سەعدی دەشڵێت " هەڵوێستی یەکێتیی لە دوو جێگاوە دیارە، هەڵویستێکی لە پەرلەمانی عێراق کە ئەو هێڕشە تاوانبار و شەرمەزار دەکا وە بە هێڕشێکی ناڕەوا داێدەنی لە دوو رووەوە ، یەکەم پێشێلیکردنی مافی مرۆڤ و مافی نەتەوەیەک کە لە تورکیا دەژێ وە دووەمینیشیان بریندارکردنی خاکی هەرێم کوردستان بە بێ گوێدانە هیچ یاسا و رێسایەکی نیۆنەتەوەی، ئەوەی دووەمیان لە کۆبۆنەوەی مەکتەبی سیاسی یەکێتیی دووای ئەم بابەتە باس کرا وە لە تورکیا داوا کراوە کێشەکان لە رێگای مەنتق و دانۆستاندنەوە چارەسەر بکا، هەر وەها ئێمە زۆر لەو قسانەی سەرۆک کۆمار رەجەب ئەردوگان نگرانین کە دەڵێت ئەگەر بچێتەوە ماڵی خۆێ پێویست بە پرس ناکا، پیێمان وایە ئەوە راست نییە ، خەڵک کە دەچێتەوە ماڵی خۆێ بە لای کەم تەلیفۆنێک دەکا دەڵی نێوەروو چیمان هەیە بخوێن و باس لە میساقی میللی دەکا ".

کاک سەعدی لە درێژایی قسەکانیدا دەڵێت " تورکیا و ئاکەپە دەیانەوی بە بەهانەی شەڕی پەکەکە و دژ بە تیرۆر هێڕش بکەنە سەر ئەو ناوچانەی نەوتی لییە گوایە ئاییندەی وڵاتەکەی موسوگەر دەکا وە دەڵێت تورکیا گەورەترە لەو تورکیایەی ئێستا هەیە وە هەر وەها ئەوە پەیامێکە بۆ ئەوەی ناسیونالیستەکان لە هەڵبژاردنەکانی داهاتوودا دەنگی بدەنی و فراوانکردنی قەوارەی تورکیا، هەر وەها سیاسەتی نادرووستی ئەمەریکا ، سیاسەتی تێکەڵ و پێکەڵی ئەمەریکا هانی ئەردوگان دەدات بۆ ئەم بژاردە لەشکەریە وە ئەم ملهوڕیە ، وە رووداوەکەی زینی و وەرتێ پێشەکی بوو بۆ ئەم بەرنامە لەشکەریەی تورکیا".

کاک سەعدی هەر وەها دەڵێت " لە کاتێکدا ئێمە شەهیدمان لە هەرێمی کوردستان هەیە ، پێیم وایە هەڵویستەکەی حکومەتی هەرێم هەڵویستێکی کەمێک شەرمنانە بوو، دەبوایە روونتر بوایە ".

Interview with Sadi Pire