ئەمڕۆ شەممە، پزیشکانی نەخۆشخانەی شار کە نوێنەرایەتی نزیکەی هەزار پزیشکی سنووری پارێزگای سلێمانییان دەکرد، گردبوونەوەیەکی ناڕەزاییان ئەنجامدا و داوای پێدانی موووچەکانیان دەکرد و بڕیاری مانگرتنیان ڕاگەیاند. بەمەش شاری سلێمانی و دەوروبەری لە ئێستادا خاوەنی هیچ یەکەیەکی فریاکەوتنی تەندرووستیی گشتیی نییە.
لە ئەگەری هەر حاڵەتێکی نەخوازراودا ڕووبەڕووی نەخۆشان ببێتەوە، پزیشکانی مانگرتوو هەموو بەرپرسیارییەتەکانیان خستە سەر حکومەت و باسیان لەوە کرد ئەوان ناتوانن بەم شێوەیە بڕۆنە سەر کار. لای خۆیەوە حکومەتی هەرێمی کوردستانیش هۆکاری پێنەدانی مووچە دەگەڕێنێتەوە بۆ بەغداد و تۆمەتباری دەکات بەوەی جددی نییە لە پرسی ناردنی مووچەدا.
Your browser doesn’t support HTML5
ڕێباز