هەشت ساڵ بەسەر ئاگرکەوتنەوە لە پۆلێکی خوێندنگای گوندی شیناوێ لە ناوچەی پیرانشار ( خانێ) لە کوردستانی ئێران تێدەپەڕێت. لەوڕووداوەدا، زیاتر لە ١٠ قوتابی کچ زیانێکی زۆریان پێ گەیشت و دوو لە قوتابیانیش لە ئاکامی سەختی برینەکانیان گیانیان لەدەستدا.
ئەوین موستەفازادە
لە وتووێژێکدا لەگەڵ دەنگی ئەمەریکا، ئەوین موستەفازادە، بەرپرسی ناوەندی ئاماری ڕێکخراوی مافەکانی مرۆڤ – کوردپا دەڵێت، ڕووداوەکە نیشانەی کەمتەرخەمی حکومەتی کۆماری ئیسلامی بەرامبەر بە ژیان و تەندروستی قوتابیان بووە بە تایبەت کە هەم کوردن و هەم لە رووی سیستمی جیاوازی کردنی ڕەگەزی دەڕوانێتە بابەتەکە.
ئەو هەروەها دەڵێت حکومەت بەڵێنی بەو قوتابیانەدا دابوو کە ناوەندی دەرمانی لە گوندەکەیان ساز بکات و یان لە شوێنی تر چارەسەریان بۆ بدۆزێتەوە، بەڵام هەتا ئێستا هیچکام لەو بەڵێنیانەی جێبەجێ نەکردوون.
دەقی وتووێژەکەی سەڵاح پیرۆتی لەگەڵ ئەوین موستەفازادە
Your browser doesn’t support HTML5
وتووێژی ئەوین مستەفا زادە