هۆڵەندا و بەلجیکا بە فەرمی کوشتنی ئێزیدیەکان لەلایەن دەوڵەتی ئیسلامیەوە بە جینۆساید دەناسێنن

پەرلەمانی یەکێتی ئەوروپا، ئەنجومەنی پەرلەمانی ئەوروپا، ئەنجومەنی نوێنەرانی ئەمەریکا، کۆمسیۆنی نەتەوە یەکگرتووەکان بۆ سوریا و لەم دواییانەشدا پەرلەمانی بەلجیکا تاوانەکانی دەوڵەتی ئیسلامی دژی ئێزدی و مەسیحی و گروپە ئاینییەکانی دیکە بە جینۆساید ناساند.

میرزا دنایی

میرزا دنایی چالاکوانی سڤیلی ئێزیدی و براوەی خەڵاتی ئەوروپا بۆ هۆشیارکردنەوەی مرۆیی لە هەڤپەیڤینێکدا لەگەڵ بەشی کوردی دەنگی ئەمەریکا دەڵێت “هەردوو پێناسین یان دانپێدانانی بەلجیکا و هۆڵەندا یارمەتیدەر دەبێت لە بەدوواداچوونی ئەو وڵاتانە بۆ کەیسی ئیزیدیەکان و لە زۆر ڕووەوە هاریکاریکردنیان بۆ لەدەستنەچوون و پاراستنی مافەکانیان بە تایبەت سەبارەت بە چاودێریکردنی رێککەوتنی نێوان بەغدا و حکومەتی هەرێم لە بارەی شەنگالەوە بۆ ئەوەی دەنگی ئیزیدیەکان وون نەبێ وهەر وەها داخوازی کراوە لە دامەزراندنی بنکەیەکی دارایی نیۆنەتەوەیی بۆ قەرەبوکردنەوە و ئاوەدانکردنی شوێنی ئێزیدیەکان.

کاک مێرزا دەشڵێت لە نێوان ئەو ١٠ وڵاتانەی کە تا ئێستا دانیان بە جینوسایدی ئێزیدیەکانداناوە هیچ کامیان بە ئەندازەی ئەم دانپانانە بەھێز نەبوون.

Interview with Mirza Dnayi