بەهۆی هێرشی ئاسمانی ئەمەریکا دژ بە حەشارگەی داعش لە ناوچەیەکی نزیک حەسەکەی سوریا منداڵێک کوژراوە.
وتەبێژی هێزی هاوپەیمانانی نێونەوەی دژ بە داعش، کۆلۆنێڵ وەین مارۆتۆ لە تویتێکدا ڕایگەیاند " هێزەکانی سوریای دیموکرات لێکۆڵینەوە لە مردنی ئەو منداڵە دەکەن کە لەلایەن داعشەوە لە میانەی هێرشەکەدا گیرابوو."
The SDF is investigating the death of the child who was being held captive by Daesh during the attack. See below for more information or contact @Farhad_Shami SDF spokesman.
— OIR Spokesman Col. Wayne Marotto (@OIRSpox) July 22, 2021
هەروەها دەشڵێت "لەو بڕوایەداین چەتەکانی داعش لە ناو ماڵەکە خۆیان حەشاردابوو، هێرشێکی ئاسمانی ئەنجام درا. پاشان منداڵەکە بەهۆی برینەکانی سەرباری هەوڵەکانی هاوپەیمانان بۆ ڕزگارکردنی ژیانی گیانی لەدەستداوە."
Believing that Daesh gang members were still hiding out in the house; an air strike was conducted. The child subsequently died from his wounds despite @Coalition medical efforts to save his life.
— OIR Spokesman Col. Wayne Marotto (@OIRSpox) July 22, 2021
ڕاگەیاندنی هێزەکانی سوریای دیموکراتیش ڕوونکردنەوەیەکی لە ژێر ناونیشانی " لەناوبردنی شانەیەکی مەترسیداری داعش دەرەوەی حەسەکە" بڵاو کردووەتەوە.
لە ڕوونکردنەوەکەدا هاتووە " پاش پرۆسەیەکی چاودێری و ئاشکراکردن، یەکینەکانی دژە تیرۆری (هەسەدە) لە ئۆپەراسیۆنێکی ئەمنی هاوبەش ڕۆژی چوارشەممە، لە گوندی خربێت ئەلجەمۆس کە کەوتووەتە ڕۆژهەڵاتی شاری حەسەکەوە شانەیەکی تیرۆریستی مەترسیداری سەر بە داعشەی تێکشکاند."
بە پێی ڕاگەیاندەکەی هەسەدە دوو ئەندامی داعش لەو شەڕەی کە بە پشتیوانی هێزی ئاسمانی هاوپەیمانان ئەنجام دراوە کوژراون و دووانی تریش دەستگیر کراون. دەشڵێت " لە کاتی گەڕان بە نێو حەشارگەکەدا یەکینە تایبەتەکانمانتەرمی منداڵێکی کوژراویان دۆزیوەتەوە، هەرچەندە هێزەکانمان لێکۆڵینەوەیەک دەکەن بۆ ئەوەی بزانن بۆچی منداڵەکە لەوێ بووە و ئەو بارودۆخەی کە بووە هۆی مردنی."