رۆژنامەی جمهوریەتی تورکیا رایگەیاند هاوسەری سەڵاحەدین دەمیرتاشی هاوسەرۆکی پێشووی هەدەپە بە تاوانی ساختەکاری لە راپۆرتی پزیشکیدا سزای زیندانی بە دوو ساڵ و نیوی بەسەردا سەپێندراوە. پارێزەرەکانی باشاک دەمیرتاشی تەمەن 44 ساڵ رایانگەیاندووە ئەو سزایە بەهۆی هەڵەوە بووە لە راپۆرتێکی پزیشکیدا کە لە ساڵی 2015 لەلایەن پزیشکێکی شاری دیاربەکرەوە نوسراوە.
سەڵاحەدین دەمیرتاش یەکێکە لە سیاسەتمەندارە هەرە بەناوبانگەکانی تورکیا کە نزیکەی 5 ساڵە لە زینداندایە بە تۆمەتەکانی هاوپەیوەند بە تیرۆرەوە کە خۆی نکوڵی لێدەکات.
نوێنەری پەرلەمانی ئەوروپا ناچۆ سانچێز ئامۆر وتی لە تویتێکدا ڕایگەیاند سزادانەکە بەهۆی هەڵەیەکی راپۆرتی پزیشکییەوە بووە و مەبەستێکی سیاسی لەپشتەوەیە. ئامۆر لە هەژماری تایبەتی تویتەرەکەی خۆیدا رایگەیاند " زیندانیکردنی بۆ دوو ساڵ و نیو بەهۆی هەڵەیەکی نوسینەوە لە راپۆرتێکی پزیشکیدا شتێکی مەترسیدارە، ئەمە بابەتێکی سیاسییە و ئەمە پێوانەکردنی نیگەرانیە سەبارەت بە دۆخی دادوەری لە تورکیادا".
The sentence of @Basak__Demirtas, wife of @hdpdemirtas, to 2,5 years of prison for a mere clerical error concerning a medical record is appalling and seems beyond common sense. It just looks so political. It gives the measure of the worrying state of Turkish judiciary.
— Nacho Sánchez Amor (@NachoSAmor) November 12, 2021
سەڵاحەدین دەمیرتاش لە زیندانەوە لە هەژماری تایبەتی تویتەرەکەی خۆی نیگەرانی لەو بارەیەوە دەربڕیەوە وتی "هەندێکجار پێمانوایە ئەوپەڕی بەدڕەوشتیش سنوورێکی هەیە، بەڵام بۆ ئەمانە سنووری نییە. خودا لە دوژمنیش، دوژمنێکی مەردانە بکات بە توشی مرۆڤەوە، ملکەچ نابین، چۆک دانادەین، نادۆڕێین، بێگومان سەردەکەوین."
Ahlaksızlığın, dibe vurmanın sınırı varmış gibi düşünüyoruz bazen. Ancak bunlar için dibin sınırı yok.Allah insana, düşmanının bile merdini nasip etsin. Eğilmeyeceğiz, diz çökmeyeceğiz, yenilmeyeceğiz. Mutlaka ama mutlaka kazanacağız.#BaşakDemirtaşOnurumuzdur @Basak__Demirtas pic.twitter.com/C0hLVwUYg0
— Selahattin Demirtaş (@hdpdemirtas) November 12, 2021
باشاک دەمیرتاش لە ئێستادا ئازادە و چاوەڕوانی بڕیاری دادگا دەکات، پارێزەرەکانی دەڵێن هەڵەیەک لە نوسینی رۆژی راپۆرتەکەدا هەیە و ئەوەش بە ئاسانی دەتوانرێت بە پشکنین لەگەڵ نێوەندی تەندروستی خۆجێی راستبکرێتەوە.