دەیان ژن لە پایتەختی ئەفغانستان ڕۆژی پێنجشەممە خۆپیشاندانێکیان ئەنجامدا و داوای مافەکانی خوێندن، کار و نوێنەرایەتی سیاسیان لە حکومەتی تاڵیبان دەکرد.
هەرچەندە خۆپیشاندانی گشتی بەشێوەیەکی کاریگەرانە لەلایەن سەرکردە توندڕەوە نوێیەکانی ئەفغانستانەوە قەدەغەکراوە، بەڵام دەسەڵاتداران ڕێگەیان بە ڕێپێوانەکە داوە.
خۆپیشاندەران دروشمی "خۆراک، خزمەتگوزاری و ئازادی"یان دەوتەوە، هەندێکێشیان داوایان دەکرد ژنان لە پۆستە سیاسیەکاندا بەشداربن.
چەند خۆپیشاندەرێک ئەو دروشمانەیان بەرزکردبۆوە کە سکاڵاکانی تاڵیبانیانی تێدا دووپات کرابۆوە، لە کاتێکدا سکاڵا دەکەن کۆمەڵگای نێودەوڵەتی ملیاران دۆلاری هاوکاری و سەرمایەی سڕکردووە.
تاڵیبان بەڵێنی داوە بە بەراورد لەگەڵ دەسەڵاتەکەی لە ساڵی ناوەدەکاندا ڕێگەو شوێنی نەرمتر بگرێتە بەر، بەڵام هێشتا ژنان بە زۆری بێبەش کراون لە کارکردن و خوێندن.
هەرچەندە ڕێگەیان پێدرا خۆپیشاندان ئەنجام بدەن، بەڵام بەشداربووان وتیان هێشتا ترسیان لە فەرمانڕەوا نوێیەکانی وڵاتەکە هەیە.
لە چوارڕیانێکدا چەکدارانی تاڵیبان چەکەکانیان ئامادەکرد و بەرزیان کردەوە، بەڵام ڕێگە بە ڕێپێوانەکە درا بەردەوام بێت
شەهیرا کۆهستان، تەمەن 28 ساڵ دەڵێت،" ترس هەمیشە بوونی هەیە، بەڵام ناتوانین لە ترسدا بژین، دەبێت شەڕ لە دژی ترسەکەمان بکەین.