مەسرور بارزانی سەرۆک وەزیرانی حکومەتی هەرێمی کوردستان پاش سەردانە فەرمییەکەی بۆ بەریتانیا، ئەمڕۆ سێشەممە لە لەندەن لەگەڵ سەرۆک وەزیرانی بەریتانیا بۆریس جۆنسن کۆبووەوە.
بارزانی لە تویتێکدا دەڵێت " خۆشحاڵم ئەمڕۆ چاوم بە سەرۆک وەزیران بۆریس جۆنسن کەوت بۆ گفتوگۆکردن لەبارەی هاوبەشی بەهێزی نەگۆڕمان. سوپاسیم کرد بۆ دۆستایەتییەکەی لەگەڵ خەڵکی هەرێمی کوردستان و سەرکردایەتیی هەرێمەکە."
It’s great to see PM @BorisJohnson today to talk about the untapped potential of our strong partnership. I thanked him for his friendship with the people of the Kurdistan Region and leadership in the region. We share a common agenda - a longing to see all of Iraq do better -mb. pic.twitter.com/0GbspwJiSP
— Masrour Barzani (@masrour_barzani) April 19, 2022
حکومەتی هەرێمی کوردستان لە بەیاننامەیەکدا سەبارەت بە کۆبونەوەکەی نێوان بارزانی و جۆنسن دەڵێت "لە کۆبوونەوەکەدا دوایین گۆڕانکاری و پێشهاتەکانی بارودۆخی عێراق و ناوچەکە و پەیوەندییەکانی هەرێمی کوردستان و بەریتانیا تاووتوێ کرا."
ناوەڕۆکی کۆبوونەوەی سەرۆکی حکومەتی هەرێمی کوردستان و سەرۆکوەزیرانی بەریتانیا:https://t.co/CU4NbTOGXY
— Kurdistan Regional Government (@Kurdistan) April 19, 2022
ڕاگەیاندنەکەی حکومەتی هەرێم دەشڵێت " سەرۆک وەزیرانی بەریتانیا، ئاماژەی بە پەیوەندی دۆستانە و مێژوویی نێوان بەریتانیا و هەرێمی کوردستان دا و باسی لە سەردانی خۆی بۆ هەرێمی کوردستان کرد و گوتی یەکێک بوو لە سەردانەکانم کە هەرگیز لە بیر ناکرێت و هیوادارم دەرفەتی ئەوەم هەبێت جارێکی دیکە سەردانی هەولێر بکەمەوە.
سەرۆک وەزیرانی بەریتانیا ئامادەیی وڵاتەکەی بۆ هاریکاریکردنی هەرێمی کوردستان لە هەموو بوارەکاندا دووپاتکردەوە . هەروەهاپشتیوانی خۆی بۆ گرنگیی چارەسەرکردنی کێشەکانی نێوان هەرێمی کوردستان و حکومەتی فیدراڵی لە سەر بنەمای دەستوور دەربڕی."
جەگە لە سەرۆک وەزیرانی بەریتانیا، بارزانی لەگەڵ چەندین بەرپرسی تری حکومەتی بەریتانیا گفتوگۆی کردووە لەناویاندا ئەماندا میلینگ وەزیری دەوڵەتی بەریتانیا بۆ کاروباری ئاسیا و ڕۆژھەڵاتی ناوەڕاست، لەم باریەوە حکومەتی هەرێمی کوردستان لە ڕاگەیاندێکدا دەڵێت ” لە کۆبوونەوەکەدا گفتوگۆ دەربارەی دوایین گۆڕانکاری و پێشهاتەکانی عێراق و هەوڵەکانی پێکهێنانی کابینەی نوێی حکومەتی عێراق و دەرفەتەکانی برەودان بە پەیوەندییەکانی هەرێمی کوردستان و بەریتانیا کرا."
مەسرور بارزانی، سەرۆکی حکومەتی ھەرێمی کوردستان لە لەندەن لەگەڵ ئەماندا میلینگ وەزیری دەوڵەتی بەریتانیا بۆ کاروباری ئاسیا و ڕۆژھەڵاتی ناوەڕاست کۆبووەوە.وەزیری دەوڵەتی بەریتانیا بۆ کاروباری ئاسیا و ڕۆژھەڵاتی ناوەڕاست، پشتیوانی وڵاتەکەی بۆ حکومەتی هەرێمی کوردستان دووپاتکردەوە. pic.twitter.com/YlEEeWygMs
— Kurdistan Regional Government (@Kurdistan) April 19, 2022
هەروەها دەڵشێت "تەوەرێکی دیکەی کۆبوونەوەکە، گفتوگۆکردن بوو دەربارەی چاکسازییەکانی حکومەتی هەرێمی کوردستان لە هەموو بوارەکاند، لەم ڕووەوە وەزیری دەوڵەتی بەریتانیا بۆ کاروباری ئاسیا و ڕۆژھەڵاتی ناوەڕاست ، پشتیوانی وڵاتەکەی بۆ حکومەتی هەرێمی کوردستان دووپاتکردەوە."
بارزانی ڕۆژی دووشەممە، بە سەرۆكایەتی وەفدێكی حكومی و بە سەردانێكی فەرمی گەیشتە لەندەنی پایتەختی بەریتانیا، ئەم سەردانەی بەرتیانیای پاش سەردانێکی ڕۆژی هەینی بوو بۆ تورکیا و لەوێش لەگەڵ سەرۆکی وڵاتەکە ڕەجەب تەیب ئەردۆغاندا کۆبووەوە.