ئیڵن ماسک ڕۆژی هەینی لە تویتێکدا ڕایگەیاند کە گرێبەستی کڕینەکەی بە بڕی 44 ملیار دۆلار بۆ کڕینی کۆمپانیای تویتەر ئای ئێن سی Twitter Inc (TWTR.N) "بۆ ماوەیەکی کاتی ڕاگیراوە" لە کاتێکدا چاوەڕێی ئەو کۆمپانیایەی تۆڕە کۆمەڵایەتییەکان دەکات کە زانیاری لەسەر ڕێژەی ئەکاونتە ساختەکانی پێشکەش بکات، کە لە ڕاستیدا کەمتر لە 5%ی بەکارهێنەران پێکدەهێنن."
سەرەتا پشکەکانی تویتەر لە بازاڕی پشکەکاندا زیاتر لە 20% دابەزینیان بەخۆوە بینی، بەڵام دوای ئەوەی ماسک بەڕێوەبەری جێبەجێکاری بازاڕی ئۆتۆمبێلی کارەبایی تێسلا Tesla Inc (TSLA.O)تویتێکی دووەمی نارد و رایگەیاند کە پابەندە بە گرێبەستەکەوە هەندێک لە پشکەکانیان بەرزبۆوە.
Twitter deal temporarily on hold pending details supporting calculation that spam/fake accounts do indeed represent less than 5% of usershttps://t.co/Y2t0QMuuyn
— Elon Musk (@elonmusk) May 13, 2022
پشکەکانیان لە ڕۆژی هەینیدا بە ڕێژەی 8.6% دابەزیووە و گەیشتووەتە 41.19 دۆلار، ئەمەش داشکاندنێکی زۆرە بۆ نرخی کڕینی هەر پشکێک بە 54.20 دۆلار.
ماسک کە دەوڵەمەندترین کەسی جیهانە، بڕیاریدا دەستبەرداری لێکۆڵینەوەی پێویست بێت کاتێک لە 25 ی مانگی 4 دا ڕەزامەندی لەسەر کڕینی تویتەر دەربڕی، لە هەوڵێکدا بۆئەوەی کۆمپانیاکە کە بنکەکەی لە سانفرانسیسکۆیە "باشترین و کۆتا ئۆفەری" قبوڵ بکات. بەمەش ئەستەمە بۆ ئەو گفتوگۆ بکات لەسەر ئەوەی کە تویتەر بە جۆرێک لە جۆرەکان چەواشەی کردووە.
هەر لەو کاتەوە پشکەکانی تەکنەلۆژیا بەهۆی نیگەرانییەکانی وەبەرهێنەران لە هەڵاوسان و ئەگەری خاوبوونەوەی ئابووریدا دابەزیون.
سەرچاوە: ڕۆیتەرز