بڵاوبوونەوەی نەخۆشی سکچون ڕشانەوە هۆڵەکانی زۆربەی نەخۆشخانەکانی هەڵەبجەی پڕکردووە لە نەخۆش و بەهۆی زۆری ژمارەی نەخۆشەکانەوە نەخۆشخانەی وەفا کە پێشتر تایبەت بوو بە تووشبوانی کۆرۆنا لە ئێستادا کراوەتەوە و تووشبوانی نەخۆشی سکچوون و ڕشانەوەی تێدایە و گومانیش دەکرێت کە منداڵێک تووشی نەخۆشی کۆلێرا بووبێت.
د. ئازاد مستەفا بەڕێوبەری گشتی تەندروستی هەڵەبجە لە لێدوانێکدا بە دەنگی ئەمەریکای ڕاگەیاند " ڕایگەیاند پشکنینی پزیشکانی هەناوی ئەوەمان پێدەڵێت ژمارەیەکی زۆر هاووڵاتی تووشی سکچوون و ڕشانەوە بوون و نیشانەکانیان قورسە و کاریان لەسەر کارکردنی گورچیلەکانیان کردووە، لە ئێستادا نەخۆشخانەکان پڕبوون لە نەخۆش و نەخۆشخانەی وەفاشمان کردوەتەوە بەرەو ڕووی هاووڵاتیاندا و گومانیش لە منداڵێک دەکرێت کە تووشی کۆلێرا بووبێت".
بەڕێوبەری گشتی تەندروستی هەڵەبجە ڕۆژی چوارشەممە ڕاشیگەیاند " لەماوەی 24 کاتژمێری ڕابردوودا 189 هاووڵاتی هێنراونەتە نەخۆشخانە ، لەگەڵ ئەوەی بەدواداچوونمان بۆ ئاوی هەڵەبجە کردووە کێشەی نییە ، سەرچاوەی نەخۆشیەکە دیار نییە لە ماوەی چوار ڕۆژدا 316 کە س تووش بوون و پشکنینیان لێوەرگیراوە ، گەر دۆخەکە بەردەوام بێت پێویستیمان بەهاوکاری دەبێت".
ئارام خەسرەو پسپۆڕی خۆراک لە لێدوانێکدا بە دەنگی ئەمەریکای ڕاگەیاند "کەم بوونەوەی ڕێژەی ئاو کانزلە جەستەدا وا دەکات کە تەندروستی کەسەکە ناجێگیر بێت ، نیشانەکانی نەخۆشیەکە سەر ئێشەی توندو ووشک بوونەوە ڕوودەدات ، لەماڵەوە دەتوانرێت خانمانی ماڵ بە ئاسانی ڕێگری لە ووشک بوونەوەی نەخۆشەکانیان بکەن."
سکچوون وەک لەسەر چاوەزانستیەکان خراوەتە ڕوو خاڵەتێکی نائارامە تووشیجوڵەی ئاوی ڕیخۆڵەدەبێت، بە پاک ڕاگرتن و شۆردنی دەستەکان و پاکڕاگرتنی کەرەستەکانی خواردن دەتوانرێت پرۆسەی خۆپارێزی ئەنجام بدرێت ، لە ئێستادا و لە پارێزگای هەڵەبجە تیمەکانی بەڕێوبەرایەتی خۆپاراستنی تەندروستی بەردەوامم لە گرتنەبەری ڕێوشوێنی توند بۆ کەمکردنەوەی کاریگەریەکانی.
Your browser doesn’t support HTML5
فەرحان