کۆشکی باکینگهام ڕایگەیاند شاژنی بەریتانیا ، ئێلیزابێث‌ی دووەم ڕۆژی پێنجشەممە ڕێکەوتی 8 ی مانگی سێپتەمبەری ساڵی 2022 لە تەمەنی 96 ساڵی کۆچی دوایی کرد.
ماڵپەڕی کۆشکی باکینگهام شەوی پێنجشەممە بە کاتی بەریتانیا لە ڕاگەیاندنێکی کورتدا هەواڵەکەی بڵاوکردەوە و نووسیویەتی" پاش نیوەڕۆی ئەمڕۆ شاژن لە شاری باڵمۆراڵ بە ئارامی کۆچی دوایی کرد. پاشا و ژنی پاشا ئەمشەو لە باڵمۆراڵ دەمێننەوە و سبەی دەگەڕێنەوە لەندەن."
کوڕە گەورەی شاژن، چارلز، تەمەن 73 ، شوێنی گرتەوە و بووە پاشا بەریتانیا. بەمەش سەردەمی پاشایەکی نوێی بەریتانیا دەستپێدەکات لە پاش 70 ساڵ لە پاشایەتی دایکی.
پێشتر ئەمڕۆ کۆشکی باکینگهام ڕایگەیاند باری تەندروستی شاژن خراپە و لە ژێر چاودێری پزیشکەکانیەتی لە کۆشکی باڵمۆراڵ لە سکوتلاند.