ڕێکخراوی یونسێفی سەر بە نەتەوە یەکگرتووەکان سەرکۆنەی ئەو هێرشە دەکات کە ئەمڕۆ قوتابخانەیەکی گرتۆتەوە لە شوێنێکی نیشتەجێی پەنابەران لە کۆیە لە هەرێمی کوردستانی عێراق.
UNICEF condemns attack on school in Koya, Kurdistan Region of Iraq and calls on all parties to respect the Safe Schools Declaration Full statement by @UNICEFiraq%27s @ShSenGupta ->https://t.co/ebRTXTXTdg
— UNICEF Media (@UNICEFmedia) September 28, 2022
بەپێی ڕاپۆرتە سەرەتاییەکان، لانی کەم 2 منداڵ برینداربوون و ژنێکی دووگیان گیانی لەدەستدا. یونیسێف پرسە و سەرەخۆشی خۆی ئاڕاستەی خێزان و هاوڕێیانی ئەو کەسانە دەکات کە لە هێرشەکەدا گیانیان لەدەستداوە و هیواخوازە منداڵە برینداربووەکان بە خێرایی و بەتەواوەتی چاک ببنەوە.
" هێرشکردنە سەر منداڵان و قوتابخانەکانیان جێی قبوڵکردن نین و دەکرێت پێشێلکردنێکی مەترسیداری مافەکانی منداڵان بن. قوتابخانەکان دەبێت هەمیشە شوێنێکی پارێزراو بن بۆ هەموو منداڵێک، کە لەوێ منداڵان بتوانن فێر ببن و یاری بکەن و گەورە ببن."
ڕێکخراوەکە وتیشی " یونسێف جەخت لە داواکانی دەکاتەوە لە سەرجەم لایەنەکان بۆ پاراستنی منداڵان لە سەرجەم شێوازەکانی توندوتیژی لە هەموو کاتێک و لە ژێر هەر بارودۆخێکدا، هەروەها داوا دەکات ڕێز لە بەیاننامەکانی پارێزراوی قوتابخانەکان بگیردرێت."