زیاتر لە 40 ڕێکخراوی مافەکانی مرۆڤ داوا لە ئەنجوومەنی مافی مرۆڤی نەتەوە یەکگرتووەکان دەکەن کۆبوونەوەیەکی بەپەلە بۆ تاوتوێکردنی سەرکوتکردنی خۆپیشاندەران لەلایەن حکوومەتی ئێرانەوە ئەنجام بدات.
بەیاننامەکە کە ڕۆژی دووشەممە بڵاوکرایەوە، نیگەرانی دەربڕیوە لە سەرکوتکردنی دڕندانەی کۆماری ئیسلامی ئێران لە بەرامبەر ناڕەزایەتییەکانی سەرتاسەری کە لە دوای کوژرانی ژینا ئەمینی تەمەن 22 ساڵ سەری هەڵدا کە لە کاتی دەستبەسەرکردنی لەلایەن پۆلیسی ئەخلاقی لە تاران گیانی لەدەستدا.
ئەو گرووپانەی مافەکانی مرۆڤ ڕایانگەیاندووە، بەڵگەکان نیشاندەری شێوازێکی توندی سەرکوتکاری هێزە ئاسایشییەکانن کە بە ئەنقەست تەقەی ڕاستەوخۆ لە خۆپیشاندەران دەکەن و ژمارەیەک خۆپیشاندەر کوژراون و برینداربوون لە نێویاندا منداڵان هەن.
لە ڕاگەیەندراوەكەدا هاتووە، لە خۆپیشاندانەكاندا زیاتر لە 200 خۆپیشاندەر كوژراون، كە لانیکەم 23 منداڵیان تێدایە، هاوكات زیاتر لە هەزار خۆپیشاندەر، چالاكوان، ڕۆژنامەنووس و خوێندكار دەستگیركراون.