بەپێی چالاکوانان، هێزەکانی حکومەتی ئێران تەقەیان لەو خۆپیشاندەرانە کردووە کە لە پاش نوێژی هەینی ڕژاونەتە سەر جادە و شەقامەکانی چەند شارێکی پارێزگای سیستان و بەلووچستان و لە ئاکامدا دەیان کەس کوژراون یان برینداربوون.
چالاکوانان پێشتر لەم هەفتەیە داوایان لە خەڵکی سەرانسەری ئێران کرد خۆپیشاندان بکەن بۆ دەربڕینی هاوسۆزی خۆیان لەگەڵ خەڵکی کوردستان.
لە گرتەیەکی ڤیدیۆیدا خۆپیشاندەران ئەمڕۆ هەینی لە شاری زاهیدان ناوەندی پارێزگای سیستان و بەلووچستان دەڵێن" کوردستان پشتیوانتین" ، " کورد تەنیا نییە بەلووچ پشتیوانییە".
احتجاجات ضخمة تشهدها مدينة زاهدان عاصمة إقليم بلوشستان إيران الآن وشعارهم : كردستان كردستان حمايت حمايت الترجمة : ندعم ندعم إقليم كردستان #مهسا_امینی #MahsaAmini pic.twitter.com/cgAzo0uffN
— محمد مجيد الأحوازي (@MohamadAhwaze) November 25, 2022
بەپێی ئاژانسی هەواڵی فڕانس پرێس، کۆمەڵەیەکی چالاکوانانی بلووچەکان کە بارەگاکەیان لە لەندەنە، لەسەر تلگرامەکەیان نووسیویانە "دەیان کەس کوژران یان برینداربوون" لە خۆپیشاندانەکانی ئەمڕۆدا. ڤیدیۆیەکیشیان بڵاوکردووەتەوە کە چەند کەسێک پێدەچێت بریندارێک لە مزگەوتی زەکی شاری زاهیدان هەڵدەگرن.
هاوکات لە شارەکانی ئێرانشەهر و خاش و سەراوان لە هەمان پارێزگا، خۆپیشاندان ئەنجام دران.