تاڵیبان بۆ یەکەم جار لە دوای گەڕانەوەی بۆ سەر دەسەڵات لە ئەفغانستان کەسێکی لەبەر چاوی خەڵک و لە شوێنێکی گشتیدا سزای مەرگی بەسەردا جێبەجێ کرد.
ذبیحوڵڵا موجاهید، وتەبێژی تاڵیبان لە بەیاننامەیەکدا ئەمڕۆ چوارشەممە ڕایگەیاند دادگای باڵا فەرمانی پێگەیشت سزاکە لەبەر چاوی خەڵک ئەنجام بدرێت، وە سزاکە ئەمڕۆ لە بەردەم کۆمەڵێک لە خەڵکی شاری فەراھ و ژمارەیەک لە کاربەدەستانی تاڵیبان ئەنجام درا.
نووسیویەتی تاوانبارەکە (تاجەمیر فەرزەند غوڵام سەروەر) کە دانیشتووی گوندی جلوارچه بوو لە شارۆچکەی ئنجیل لە ویلایەتی هیرات کەسێکی کوشتووە بە ناوی (مستەفا فەرزەند عەبدولڕەحمان) کە خەڵکی گوندی گنگ بوو لە شارۆچکەی پشت کوه لە ویلایەتی فەراھە، پاشان مۆبایل و ماتۆرسکیلەکەی دزیوە.
حکم الهی قصاص بالای یکتن قاتل در ولایت فراه از سوی ستره محکمۀ امارت اسلامی تطبیق شدhttps://t.co/tp84XjrycO pic.twitter.com/rlkkTmE69R
— Zabihullah (..ذبـــــیح الله م ) (@Zabehulah_M33) December 7, 2022
ذبیحوڵڵا لە تویتەرەکەی نووسیویەتی سزاکە لەلایەن باوکی کەسە کوژراوەکە ئەنجام درا بە چەکی کلاشینکۆڤ و 3 گولـلەی پێوە ناوە لە بەردەمی خەڵکەکەدا.
یادونه:د نن ورځې په قصاص کې قاتل د مقتول د پلار لخوا د په ټوپک درۍ ډزه وویشتل شو.په دې اړوند چې په خواله رسنیو ځینې وپډیوګانې لاس په لاس کیږي حقیقت نلري.تذکر:در قصاص امروز قاتل ازطرف پدر مقتول توسط کلاشینکوف سه میرمی زده شد.ویډیوهای که در رابطه نشر می شود حقیقت نیست.
— Zabihullah (..ذبـــــیح الله م ) (@Zabehulah_M33) December 7, 2022
لەوەتای لە مانگی هەشتی ساڵی 2021 وە تاڵیبان گەڕاوەتەوە بۆ سەر دەسەڵات لە ئەفغانستان، ئەمە یەکەم سزای مەرگ بوو کە بە ئاشکرا و لەبەر چاوی خەڵکدا جێبەجێ بکرێت.
هبەتوڵڵا ئاخوندزادە، فەرماندەی باڵای تاڵیبان، مانگی ڕابردوو فەرمانی بە دادوەری وڵاتەکە کرد تەواوی شەریعەتی ئیسلامی جێبەجێ بکەن، بە تایبەتی سزای مەرگ و جەڵدکردن و ڕەجمکردن و بڕینی دەستی کەسانی دز لەبەر چاوی خەڵک.
تاڵیبان لە ماوەی حوکمڕانیکردنی لە ئەفغانستان لە نێوان ساڵانی 1996 هەتا 2001 ، بە ئاشکرا خەڵکی جەڵد دەکرد و دەکوشت، تەنانەت لە ستادیۆمی کابول جێبەجێی دەکرد و خەڵکی هان دەدا ئامادەی جێبەجێکردنی سزاکان بن.
سەرچاوە: فڕانس پرێس