کۆماری ئیسلامی ئێران بەرەبەیانی ڕۆژی دووشەممە گەنجێکی تری تەمەن 23 ساڵی لە شاری مەشهەد لەسێدارە دا. ئەمە دووهەمین کەسە لەسەر خۆپیشاندانە ناڕەزایەتیەکانی ئەو وڵاتە لەسێدارە بدرێت.
ئاژانسی هەواڵی میزانی سەربە دەزگای دادوەری کۆماری ئیسلامی دەڵێت مەجید ڕەزا ڕەهنەوەرد " بە بەرچاوی کۆمەڵێک لە هاووڵاتیانی مەشهەدەوە لەسێدارە دراوە."
ئاژانسی دەنگوباسی هرانا کە پشت بە زانیارییەکانی چالاکوانانی نێو ئێران دەبەستێت هەواڵەکەی پشتراست کردووەتەوە و دەڵێت " بەرەبەیانی ئەمڕۆ دووشەممە 12ی مانگی 12، بە ئاشکرا لە شاری مەشهەد حوکمی لەسێدارەدانی مەجیدڕەزا ڕەهنەوەرد، یەکێک لە دەستگیرکراوەکانی ناڕەزایەتییە سەرتاسەرییەکانی ئەم دواییە، جێبەجێکرا."
حکم اعدام #مجیدرضا_رهنورد، یکی از بازداشت شدگان اعتراضات سراسری اخیر، سحرگاه امروز دوشنبه ۲۱ آذر، در ملا عام در #مشهد به اجرا درآمد.#اعدام #اعتراضات_سراسری #مهسا_امینی #ژینا_امینی #mahsaaminihttps://t.co/LgPClp0PJa pic.twitter.com/uuKB21bN5E
— خبرگزاری هرانا (@hra_news) December 12, 2022
پێشتر گروپەکانی مافەکانی مرۆڤ هۆشداریان دابوو لەسەر مەترسی جێبەجێکرنی سزای لەسێدارەدانی رەهنەوەرد.
پەیجێکی چالاکوانانی ئۆپزسیۆن لە تویتەر ( 1500tasvir_en) هەواڵی لەسێدارەدانەکەی پشتڕاست کردووەتەوە و دەڵێت " ئەوان ڕێگەیان دا دایکی مەجید ڕەزا رەهنەوەرد سەردانی بکات و بە هیچ شێوەیەک باسی لەسێدارەدانیان نەکردبوو. ئەو بە دڵێکی پڕ هیوا لەوەی کوڕەکەی زوو ئازاد دەبێت لەوێ دەرچوو. بەڵام ئەم بەیانییە کاتێک پێیزانی کوڕەکەی لەسێدارەدراوە و هێزەکانی جموری ئیسلامی بە تانها بەخاکیان دەسپارد."
مادر #مجیدرضا_رهنورد را به ملاقات او بردند اما هیچ صحبتی از اعدام نکردند و مادرش با لبخند و امید به اینکه پسرش آزاد میشود آنجا را ترک کرد. و امروز صبح زمانی بالا سر جسم بیجان پسرش رسید که نیروهای جمهوریاسلامی داشتند مجیدرضا را در تنهایی به خاک میسپردند. pic.twitter.com/rsUC7nwhqE
— +۱۵۰۰تصویر (@1500tasvir) December 12, 2022
ڕەهنەوەرد ڕێک 23 ڕۆژ پاش دەستگیرکردنی سزای لەسێدارەدانەکەی جێبەجێ کرا. پێشتر هەر ئاژانسی هەوڵی میزان ڕایگەیاندبوو ئەو تاوانبارکراوە بە کوشتنی دوو ئەندامی بەسیج لەسەر شەقامێکی مەشهەد.
یەكێتی ئەوروپا و ئەمەریکا لە پاش لەسێدارەدانی موحسن شکاری تەمەن 23 ساڵان، کە یەکەم لەسێدارەدانی پەیوەست بە خۆپیشاندانەکانی ئێرانەوەبوو، ڕۆژی پێنجشەممە توڕەیی و ناڕەزایەتی خۆیان دەربڕی. شکاری بە تۆمەتی بریندارکردنی ئەندامێکی هێزەکانی ئاسایش لەسێدارە درا.
ئەمەش ببینە هاوکاتی زیادبوونی ناڕەزایەتییەکان لە ئێران، دەیان کەس لە ژێر هەڕەشەی سزای مەرگدان
ئێران خۆپیشاندەران بە "ئاژاوەگێڕ" ناودێر دەکات و دەڵێت لەلایەن دوژمنە بیانییەکانەوە هاندەدرێن.
بەڕێوەبەری گروپی مافی مرۆڤی ئێران بنکە لە لە ئۆسلۆ، مەحمود ئەمیری موقەدەم، لە تویتێکدا ڕایگەیاندووە " خامەنەئی و حکومەتەکەی کە پێشتر پیاو و ژن و منداڵی ناڕازییان لەسەر شەقامەکاندا دەکوشت، ئێستا ڕوویان لە کوشتنی زیندانیان کرووە. ئامانجیان ترساندنی خەڵک و کۆتاییهێنانە بە تەواوی ناڕەزایەتییەکان."
خامنهای و حکومتش که تا کنون مرد و زن و کودک معترض را در خیابانها میکشتند، اکنون به کشتن اسرا روی آوردهاند.هدف ترساندن مردم و اتمام #اعتراضات_سراسری است- اعتراض بیشتر، اعتصاب بیشتر، فریاد لندتر در داخل و خارج ایران و هزینه بالاتر سیاسی باید پاسخ این جنایات باشند #مجیدرضا_رهنورد https://t.co/XOnYOIkrEa
— Mahmood Amiry-Moghaddam (@iranhr) December 12, 2022
هەروەها دەشڵێت دەبێت " وەڵامی ئەم تاوانانە بدرێتەوە."
پاش کوژرانی ژینا ئەمینی، لە کاتێکدا بە تۆمەتی پێشێلکردنی یاسای حیجابی زۆرەملێ لەلایەن پۆلیسی ئاکار (گەشتی ئیرشاد)ەوە لە تاران دەستگیرکرابوو، ناڕەزایەتی سەرتاسەری لە ئێران دەستپێکرد. ئەمەش گەورەترین ناڕەزایەتی سەرتاسەرییە لەوەتای شۆڕشی ئیسلامی لە ساڵی 1979 وە.
بە پێی دواین ئاماری ڕێکخراوەکانی مافەکانی مرۆڤ و چالاکوانان لەوەتای ئەم خۆپیشاندانانە لە 17 ی مانگی 9 وە دەستیانپێکردووە بەلایەنی کەم 458 کەس کوژراون لە ناویاندا 63 منداڵ و 29 ژنیش و بە هەزاران کەسیش بریندار بوون.
بە پێی نەتەوە یەکگرتووەکان لە مانگی 9 وە هەتا ئێستا بەلایەنی کەم 14 هەزار کەسیش دەسگیرکراون.