دادگای فەرەنسا ڕۆژی هەینی، 11 کەسی گوایە ئەندامی پارتی کرێکارانی کوردستانن (پەکەکە) بە تۆمەتی کۆمەککردنی تیرۆر سزا دا.
ئەو تۆمەتبارانە کە هەموویان کوردی تورکیان کە بە فەڕەنسییەکی کەم قسە ئەکەن یان هیچ زمانی فەرەنسی نازانن، بەوە تۆمەتبار کران کە بەشێکن لە تۆڕێک کە بەدوای پارە کۆکردنەوە بە ناوی باجێکی شۆڕشگێڕانە لە ڕەوەندی کوردییەوە دەگەڕێن.
پەکەکە بە ڕێکخراوێکی تیرۆریستی دادەنرێت لەلایەن ئەمەریکا و یەکێتی ئەوروپا و تورکیاوە، خەباتی چەکداریی دەیان ساڵەی دژ بە ئەنقەرە بۆ ئۆتۆنۆمی زیاتر بۆ کەمینەی کورد لە باشووری ڕۆژهەڵاتی ئەو وڵاتە بەڕێوەدەبات.
پێدەچێت شانە ڕێکخراوەکان لە نێوان تا 150 هەزار دانیشتووی کورد لە فەرەنسا چالاک بن، هەروەها لە نێو 100 هەزار کەسی هۆڵەندا و کۆمەڵگەی ملیۆنی لە ئەڵمانیا.
دادگای پاریس بۆی دەرکەوتووە کە "بڕێکی بەرچاو" لە پارە لە ڕێگەی هەڕەشەکانەوە بەدەست هاتووە کە دەرکردن لە کۆمەڵگا لەخۆدەگرێت.
چوار لە تۆمەتبارەکان پێشتر دەستبەسەر بوون و دوو کەسیش ئامادە نەبوون لەبەردەم دادگا. تۆمەتباران ڕەتیانکردەوە سەر بە پەکەکە بن.
سزاکان لە سزای سێ ساڵ زیندانی هەڵپەسێردراوەوە دەستی پێکرد تا پێنج ساڵ زیندانی .
بەڵام دادگا تۆمەتبارانی لە خاکی فەرەنسا قەدەغە نەکرد، وەک ئەوەی لە دۆسیەکانی تیرۆردا باو بووە، بەو پێیەی زۆربەیان پێگەی پەنابەریان لە فەرەنسا هەیە.
لێکۆڵینەوەکان لە ساڵی 2020 دەستیپێکرد، کاتێک دوو ژنی کورد کە تەمەنیان 18 و 19 ساڵە لە باشووری ڕۆژهەڵاتی فەرەنسا بێسەروشوێن بوون.
زۆری نەخایاند دەرکەوت کە ئەوان بەرەو کەمپەکانی مەشق و ڕاهێنانی پەکەکە لە شوێنەکانی دیکەی ئەوروپا بەڕێکەوتوون.
لە لێکۆڵینەوەکەدا تۆڕێک ئاشکرا کراوە کە لەسەر بنەمای کۆمەڵەیەکی کوردی لە باشووری شاری مارسیلیا دامەزراوە، کە داواکارانی گشتی دەڵێن فۆرمێک لە باجی کۆمەڵایەتی کۆدەکاتەوە کە پارە بۆ پەکەکە دابین دەکات.
لێکۆڵەران دەڵێن، ئیفادە و پەیوەندی تەلەفۆنی هەراسانکردن و زەوتکردنی پارەی ئەندامانی ڕەوەندی کوردی ئاشکرا کردووە، چونکە باجوەرگرەکان بەشدارییەکی ئارەزوومەندانەیان بۆ تاکەکان دانابوو بە پشتبەستن بە داهاتیان.
لێکۆڵەران پێیان وایە ساڵانە نزیکەی 202 ملیۆن دۆلار (2ملیۆن یۆرۆ) لە باشووری ڕۆژهەڵاتی فەرەنسا بۆ پەکەکە کۆدەکرێتەوە.
سەرچاوە/ دەنگی ئەمەریکا