ئەنجوومەنی گشتی بەڕێوەبەرایەتی خۆسەری باکوور و ڕۆژهەڵاتی سوریا لە دانیشتنی ئەمڕۆی خۆیدا، حوسێن عوسمانی وەک هاوسەرۆکی نوێی ئەنجومەنەکە دەستنیشان کرد.
پێش دەستبەکاربوونی عوسمان، هاوسەرۆکی ئەنجومەنی بەڕێوەبەرایەتییەکە عەبد حامد ئەلمهباش، دەستیلەکار کێشایەوە کە لە ساڵی 2018ەوە ئەو ئەرکەی هەبوو.
بەپێی ئەو زانیارییانەی دەست دەنگی ئەمەریکا کەوتووە، حوسێن عوسمان هاوسەرۆکی نوێی ئەنجومەنی گشتی بەڕێوەبەرایەتی خۆسەر خەڵکی شاری مەنبەجە و لە پێکهاتەی عەرەبە.
هەروەها دەرچووی زانستە سیاسییەکانە لە زانکۆی دیمەشق و بەرپرسێکی باڵای پارتی هاوپەیمانی نیشتمانی دیموکراتی سوریایە.
ئەلمهباشی هاوسەرۆکی پێشووش خەڵکی شاری ڕەقەیە و سەرۆکی پارتی سوریای ئایندەیە.
هاوسەرۆکەکەی تری ئەنجومەنی گشتی بەڕێوەبەرایەتی خۆسەر بێریڤان خالید، کە کوردە لە شوێنی خۆی دەمێنێتەوە.