جینا رەیمۆندۆ وەزیری بازرگانی ئەمەریکا کۆتایی بە سەردانە چوار ڕۆژیەکەی بۆ چین هێنا، لە نوێترین هەنگاوی بەڕێوەبەرایەتی جۆو بایدن سەرۆکی ئەمەریکادا بۆ سەقامگیرکردنی پەیوەندییە بازرگانی و ڕایەڵە بازرگانییەکانی نێوان دوو گەورەترین وڵاتی ئابووری جیهان.
رەیمۆندۆ لە لێدوانێکیدا ڕۆژی چوارشەممە ڕایگەیاند ئەو گەشبینە بە ئەنجامدانی گفتوگۆی ئاسایی و ڕاستەوخۆ لەگەڵ بەرپرسانی چین، بەڵام لای زۆر ڕوونە و پێشبینی ناکات هەموو کێشەیەک لەگەڵ بەیژینگ لە شەو و ڕۆژێکدا چارەسەر بکرێت.
وەزیری بازرگانی ئەمەریکا پێشتر لە سەردانەکەیدا ڕایگەیاند کۆمپانیا ئەمەریکاییەکان پێیان گوتووە کە بواری نایەکسان و ژینگەی ڕێکخستنی پێشبینی نەکراوی چین لەگەڵ سزا توندەکان وایکردووە وڵاتەکە نەتوانێت وەبەرهێنان بکات .
ڕەیمۆندۆ گوتیشی، هەردوولا پلانیان هەیە لەگەڵ پسپۆڕانی تەکنیکی کۆببنەوە بۆ گفتوگۆکردن لەسەر ناکۆکییەکانی پاراستنی نهێنیەکانی بازرگانی و هەروەها هاوبەشکردنی زانیاری سەبارەت بە کۆنترۆڵکردنی هەناردەکردن.
لەکاتێکدا ئەمەریکا و چین زیاتر لە 700 ملیار دۆلار لە بازرگانی ساڵانەی نێوانیان دەپارێزن، بەڵام هەڵکشانی گرژییەکان لەم ساڵانەی دوایدا وایکردووە کارەکانی کۆمپانیا ئەمەریکاییەکان لە چین زیاتر سەختربێت.