بەرپرسێکی باڵای ئەمەریکا ڕایگەیاند، هێرشە "سەرکەوتووەکانی" تاڵیبان بۆ سەر ڕێکخراوی داعشی خۆراسان کە لقێکی داعشە لە خۆراسان و ڕکابەری سەرەکی تاڵیبانە لە ئەفغانستان، تواناکانی بەشێوەیەکی بەرچاو کەمکردووەتەوە و هێرشە بەرفراوانەکانی دژی خەڵکی مەدەنی بەشێوەیەکی بەردەوام کەمبوونەوە.
تۆم وێست، نوێنەری تایبەتی ئەمەریکا بۆ ئەفغانستان، لە میانی سیمینارێکدا لە واشنتن، بە بەکارهێنانی کورتکراوەی داعشی خۆراسان گوتی: "ئەوان هێرشێکی توندوتیژی زۆر شەڕانگێزانەیان هەیە و بەردەوامن، کە لە ئێستادا تواناکانیان بە شێوەیەکی بەرچاو کەمیکردووە". "پێموایە شتێکی گرنگە کە لە سەرەتای ساڵی 2023ەوە هێرشەکانی تاڵیبان لە ئەفغانستان لانیکەم 8 سەرکردەی سەرەکی ڕێکخراوەکەیان کوشتووە، کە هەندێکیان بەرپرسیارن لە پیلانگێڕییە بیانییەکان".
وێست گوتیشی: گرتنەبەری ڕێوشوێنەکان لە دژی تیرۆر بووەنە هۆی "کەمبوونەوەی" هێرشەکان بۆ سەر هاووڵاتیانی مەدەنی ئەفغانستان.
ئاماژەی بەوەشکرد: هێرشە ترسناکەکان بە شێوەیەکی سەرەکی دژی خەڵکی هەزارە بوون، بەڵام لەو کاتەوە ئەم جۆرە هێرشانەمان نەبینیوە.
بەڵام نوێنەری ئەمەریکا هۆشداریی دا لە بارەی تەحریقی تاڵیبانی پاکستان کە "گەورەترین مەترسییە" بۆ سەر سەقامگیری ناوچەکە. وێست گوتی: ئێمە زیادبوونی زۆر بەرچاو لە هێرشەکانی تەحریقی تاڵیبانی پاکستان (TTP) بۆ سەر پاکستان دەبینین.
ئەم گرووپە چەکدارە کە بە تاڵیبانی پاکستانیش ناسراوە، لەلایەن ئەمەریکاوە وەک ڕێکخراوێکی تیرۆریستی جیهانی ناوی هاتووە، کە هێرشی تیرۆریستی لە پاکستانی دراوسێ ئەنجام دەدات و لە دەرەوەی ئەفغانستان چالاکی دەکات.
کاربەدەستانی پاکستان دەڵێن تەحریقی تاڵیبان پاکستان لە دوای گەڕانەوەی تاڵیبان بۆ دەسەڵات لە کابول دوو ساڵ لەمەوبەر هێرشەکانی سنوور بەزاندنی زیاتر کردوو، ئەم توندوتیژییە بووەتە کارێکی ڕۆژانە و دەوترێت زیاتر لە هەزار و 500 پاکستانی لە نێویاندا خەڵکی مەدەنی و هێزە ئاسایشییەکان کوژراون، کە زۆربەیان لە قەزاکانی نزیک یان لەسەر سنووری ئەفغانستان بوونەتە قوربانی.
سەرکردایەتی تەحریقی تاڵیبان پاکستان بە ئاشکرا بەیعەتی بە هەیبەتوڵڵا ئاخوندزادە، سەرکردەی خۆبەدەستەوەدانی تاڵیبانی ئەفغانستان داوە. ئەو گرووپە چەکدارە لە ساڵی 2007 لە ناوچە سنوورییەکانی پاکستان سەریان هەڵدا و شانبەشانی تاڵیبان دژی هێزەکانی ناتۆ بە سەرۆکایەتی ئەمەریکا لە ئەفغانستان شەڕیان کرد.
وێست گوتی "ئەوان لە کاتی شەڕدا بوون بە هاوپەیمانی تاڵیبان، پاڵپشتی دارایی و پاڵپشتی لۆجستی و هەروەها هاوپەیمانی ئۆپەراسیۆنیش بوون، پێموایە پەیوەندی نێوانیان زۆر توند و تۆڵە".
ئەم توندوتیژییە بووەتە کارێکی ڕۆژانە و دەوترێت زیاتر لە هەزار و 500 پاکستانی لە نێویاندا خەڵکی مەدەنی و هێزە ئەمنییەکان کوژراون، کە زۆربەیان لە قەزاکانی نزیک یان لەسەر سنووری ئەفغانستان بوونەتە قوربانی.
نوێنەرەکەی ئەمەریکا ڕەتیکردەوە هیچ لێدوانێک لەسەر بانگەشەکانی پاکستان بدات کە هێرشەکانی تەحریقی تاڵیبان (TTP) بە ڕەزامەندی بەرپرسانی تاڵیبانی ئەفغانستان ئەنجام دەدرێن.
تاڵیبان ڕەتیدەکاتەوە کە ڕێگە بە هەر گروپێک بدات، لەنێویاندا تەحریقی تاڵیبان پاکستان، خاکی ئەفغانستان بەکاربهێنێت بۆ هەڕەشەکردن لە ئاسایشی پاکستان یان ناوچەکە بە گشتی.
لای خۆشیانەوە بەرپرسانی ئیسلام ئاباد دەڵێن بە فەرمی بەڵگەکانیان داوەتە سەست کابول سەبارەت بە بوونی سەرکردە و چەکدارانی TTP لە ئەفغانستان و بەکارهێنانی وڵاتەکەیان بۆ ئەنجامدانی هێرشی تیرۆریستی دژی پاکستان.
گرژییەکان سەبارەت بە زیادبوونی تیرۆر بەشێکی لە پشت بڕیارەکەی پاکستانەوە بوو بۆ داخستنی خاڵە سنورییە سەرەکییەکەی لەگەڵ ئەفغانستان کە هەفتەیەک لەمەوبەر داخرا.