ڕاپۆرتنوسانی سەربەخۆی نەتەوە یەکگرتووەکان، گەمارۆدانی غەززە لە دوای هێرشەکانی حەماس بە سزایەکی گشتی دەزانن.
ئەو ڕاپۆرتنوسانە ڕایانگەیاندووە کە خەڵکی مەدەنی لە غەززە ماوەی 16 ساڵە لە ژێر گەمارۆی نایاساییدا دەژین و ڕووبەڕووی 5شەڕی جددی بوونەتەوە.
ئەوان دەڵێن گەمارۆدانی غەززە سزایەی گشتییە. " گرنگ نییە لەلایەن حەماس یان ئیسرائیلەوە بکرێت، کرداری دژی هاووڵاتیانی مەدەنی ڕەوا نییە"
ئەو ڕاپۆرتنوسانە دەڵێن کردەوە دژی هاووڵاتیانی مەدەنی بەپێی یاسا نێودەوڵەتییەکان قەدەغەیە و ئەو کارانە تاوانی جەنگن.
ڕێکخراوی نەتەوە یەکگرتووەکان دەڵێت زیاتر لە 338هەزار کەس لە غەززە ئاوارە بوون.
سەرچاوە: ئاژانسی فرانس پرێس