وەزارەتی تەندروستی لە غەززە ڕۆژی شەممە،14ی ئەم مانگە بڵاویکردەوە ژمارەی کوژراوانی گەیشتووەتە دوو هەزار و 215 کەس.
لەو ڕاپۆرتەدا ئاماژە بەوە کراوە کە 724 کەس لە کوژراوەکان منداڵن و 458 کەسیش ژنن.
لە ڕاگەیەندراوەکەی سەرلەبەیانی ڕۆژی شەممەدا هاتووە، لە ماوەی 24 کاتژمێردا 324 کەس گیانیان لەدەستداوە و هەشت هەزار و 714 کەسیش برینداربوون.
هەروەها سوپای ئیسرائیل ڕۆژی شەممە ڕایگەیاند کە دوو لە فەرماندەکانی حەماسیان کوشتووە کە لە هێرشە تیرۆریستییەکانی هەفتەی ڕابردوودا دەستیان هەبووە.
پێشتریش سوپای ئیسرائیل ڕایگەیاندبوو، لە سەرەتای شەڕی غەززەوە تا ئێستا نزیکەی 230 فەرماندە و چەکداری حەماسیان لە کەرتی ڕۆژئاوای ڕووباری ئوردن دەستگیرکردووە.
هێرشەکانی ئیسرائیل لە وەڵامی ئۆپەراسیۆنی "گەردەلولی ئەقسا"ی حەماس ئەنجام دەدرێت کە تیایدا هەزار و 300 ئیسرائیلی گیانیان لەدەستدا.
