چاوەڕوان دەکرێت ڕۆژی چوارشەممە کۆمکاری عەرەبی دانیشتنێکی بەپەلە بۆ تاوتوێکردنی هێرشەکەی ئێران بۆ سەر هەولێر بکات.
وەزارەتی دەرەوەی عێراق لە ڕاگەیاندراوێکدا دەڵێت " کۆمکاری عەرەبی بڕیاری داوە دانیشتنێکی بە پەلە بۆ تاوتوێکردنی ئەو بوردومانەی شاری هەولێر بکات کە لەلایەن ئێرانەوە ئەنجام درابوو."
بەڵام وەزارەتەکە ئاماژەی بەوە نەکردووە کۆبونەوەکە لە چ کاتێکدا ئەنجام دەدرێت.
جامعة الدول العربية @arableague_gs تعتمد قرار بشأن ادانة العدوان الإيراني على العراق ودعم موقف العراق وحقه المشروع في التأكيد على إحترام أمنه وسيادته. pic.twitter.com/31CsKebuzC
— وزارة الخارجية العراقية (@Iraqimofa) January 17, 2024
وەزارەتەکە دەشڵێت ئەحمەد ئەبو غیت، ئەمینداری گشتی کۆمکاری عەرەب هێرشەکەی ئێرانی بۆ سەر هەولێر شەرمەزار کردووە.
الأمين العام لجامعة الدول العربية @arableague_gs الدكتور أحمد أبو الغيط @lassecgen يدين القصف #الإيراني على #أربيل pic.twitter.com/3chMoacgJ6
— وزارة الخارجية العراقية (@Iraqimofa) January 17, 2024
درەنگانێکی شەوی دووشەممە لەسەر سێشەممە، سوپای پاسدارانی ئێران هێرشی مووشەکی کردە سەر هەولێر و 4 هاووڵاتی سیڤیل گیانیان لەدەستداوە و 6 کەسی دیکە برینداربوون.