ڕووسیا داوا دەکات ئەنجومەنی ئاسایشی نەتەوە یەکگرتووەکان کۆبوونەوەیەکی بەپەلە ئەنجام بدات بۆ تاوتوێکردنی هێرشەکانی ئەمەریکا بۆ سەر لایەنەکانی سەر بە ئێران لە ناو عێراق و سوریا.
جێگری نوێنەری ڕووسیا لە نەتەوە یەکگرتووەکان دمیتری پۆلیانسکی ڕۆژی شەممە لە تۆڕی ئێکس ڕایگەیاند ڕووسیا هەوڵی دانیشتنێکی دەستبەجێ دەدات بۆ "گفتوگۆکردن لەسەر هەڕەشەکانی سەر ئاشتی و ئاسایشی نێودەوڵەتی بەهۆی هێرشەکانی ئەمەریکا بۆ سەر عێراق و سوریا."
Russia has just called for an urgent UN Security Council meeting to discuss threats to international peace and security from the US strikes against Iraq and Syria. The meeting is expected to be held at 4 pm EST on February 5
— Dmitry Polyanskiy 🇺🇳 (@Dpol_un) February 3, 2024
ئاماژە بەوەش دەکات چاوەڕوان دەکرێت کۆبوونەوەکە لە ڕۆژی دووشەممە ئەنجام بدرێت.
ئەمەریکا وەکو تۆڵەکردنەوەیەک لە بەرامبەر کوژرانی سێ سەربازەکەی لە هێرشێکدا بۆ سەر بنکەیەکی سەربازیی ئەمەریکا لە ئوردن، ئێوارەی هەینی هێرشی ئاسمانی کردە سەر ئەو گروپە چەکدارییانەی کە لەلایەن ئێرانەوە پشتیوانییان لێدەکرێت لە عێراق و سوریادا.
بە پێی فەرماندەیی نێوەندی ئەمەریکا (CENTCOM ) هێزەکانی ئەمەریکا زیاتر لە 85 ئامانجیان لە عێراق و سوریادا پێکاوە.