ده‌سـه‌ڵاتدارانی عێراقی ده‌ڵێن ژنێـكی خۆكوژ خۆی له نزیـك فه‌رمانگه‌یه‌كی حكومی له باكوری به‌غدا ته‌قاندۆته‌وه و به لایه‌نی كه‌م 15 كه‌سی كوشـتووه و 40 كه‌سی تری برینداركردووه.
ژنه‌كه ئه‌و ته‌قه‌مه‌نیـیانه‌ی كه له خۆی به‌سـتبوو ڕۆژی یه‌كشه‌ممه له باقوبه‌ی ناوه‌ندی پارێزگای دیاله به‌خۆیدا ته‌قاندبۆوه له ناوچه‌یه‌كی توند پارێزراو كه فه‌رمانگه‌ی حكومی و خانه‌ی دادی لێـیه.
كاربه‌ده‌سـتان ده‌ڵێن به لایه‌نی كه‌م 7 پـۆلیس له هێرشـه‌كه‌دا كوژراون.
شـایانی باسه له‌م مانگانه‌ی دوایی ژماره‌ی ژنی خۆكوژ له عێراق زیادیكردووه. له‌شـكری ئه‌مریكایی ده‌ڵێت ئه‌لقاعیده ژنان بۆ هێرشی خۆكوژی به‌كارده‌هێنن له‌به‌ر ئه‌وه‌ی بۆ ژنان ئاسانتره له خاڵه‌كانی پـشـكنین ده‌رباز بـبن.