ڕۆژی دووشه‌ممه‌ی ڕابردوو ڕووداوێـکی دڵ‌ته‌زێن له گوندی بلگه‌ی سه‌ر به شـاری ماردین ڕوویدا کاتێـک کۆمه‌ڵێـک چه‌کدار به نارنجۆک و چه‌کی ئۆتۆماتیـکیـیه‌وه هێرشـیان کرده سه‌ر شـایـیه‌ک و تیایدا به لایه‌نی که‌م 7 منداڵ و 16 ژن و 22 پـیاویان کوشت، هه‌روه‌ها ژماره‌یه‌کی دیکه‌ش برینداربوون. له‌گه‌ڵ ئه‌وه‌شـدا به ده‌یان منداڵ بێ دایک و باوک بوون و وه‌ک باسی لێوه ده‌که‌ن چه‌ندین منداڵ هه‌ن دایک و باوکیان پـێـکه‌وه له‌و کاره‌سـاته له‌ده‌سـتداوه.
دیاره ڕووداوێـکی ئه‌وها کاریگه‌ری کۆمه‌ڵایه‌تی و ده‌روونی به لایه‌نی که‌م له‌سه‌ر خه‌ڵـکی ئه‌و گونده ده‌بێت.
له‌و باره‌یه‌وه هاوکارمان جانی دیلان گفتوگۆی له‌گه‌ڵ دکتۆر ئازاد مورادیان شـاره‌زای بواری ده‌روونی و ئه‌ندامی ده‌سـته‌ی به‌ڕێوه‌به‌ری کۆنگره‌ی نیشـتیمانی کوردی له ئه‌مه‌ریکا کردووه.
ده‌توانن گوێبیسـتی ده‌قی گفتوگۆكه بن له ڕێـگه‌ی كلیـكـكردنی ئه‌و فایله ده‌نـگیـیانه‌ی ده‌سته چه‌پ، ماوه‌كه‌ی 16:54 خوله‌كه.