سه‌رۆکی ئێرانی مه‌حمود ئه‌حمه‌دی‌نه‌ژاد ده‌ڵێت به‌شـداری زۆری خه‌ڵـکی له هه‌ڵـبژاردنه‌کانی سه‌رۆکایه‌تی هیوای ئێرانیـیه‌کان بۆ ئاینده پـیشـان ده‌دات، هه‌روه‌هاش ده‌ڵێت مه‌ردوم ئه‌و که‌سـیان هه‌ڵـبژاردووه که باشترین که‌سه و له توانای بێت خواسـته‌کانیان به‌دی بهێنێت.
سه‌رۆکی سه‌رله‌نوێ هه‌ڵـبژێردراو له ڕۆژی یه‌کشه‌ممه ئه‌و قسـانه‌ی له تاران له وتارێـکی ته‌له‌فیزیۆنیدا کردووه، هه‌ر ڕۆژێـک پاش ئه‌وه‌ی وه‌زیری ناوخۆ سـادق مه‌حسوڵی ڕایگه‌یاند ئه‌حمه‌دی‌نه‌ژاد 62.6% ده‌نگه‌کانی بردۆته‌وه.
کاربه‌ده‌سـته‌که هه‌روه‌ها گوتی به‌رهه‌ڵـستی باڵای سه‌رۆکایه‌تی کاندیدی ڕیفۆرمسـته‌کان میر حسێن موسه‌وی ته‌نها 33.75% ی ده‌نگه‌کانی بردۆته‌وه.
هه‌رچه‌ند خیابانه‌کانی تاران به زۆری له ڕۆژی یه‌کشه‌ممه ئارام بوونه، به‌ڵام زۆر له ده‌نگده‌ران له ڕۆژی شه‌ممه ڕژابوونه ناو خیابانه‌کان بۆ بێزاری ده‌ربڕین دژ به سه‌رئه‌نجامی هه‌ڵـبژاردنه‌کان.