ڕۆژی یه‌کشه‌ممه عه‌لی بابان وه‌زیری پـلان‌دانانی عێراق گوتی ئه‌و ئامارکردنه‌ی که بڕیاربوو بۆ دانیشـتوانی عێراق له مانگی ده‌ی ئه‌مسـاڵدا بکرێت بۆ کاتێـکی نادیاریکراو دواده‌خرێت، ئه‌ویش به‌هۆی گرژی نه‌ژادیـیه‌وه.
ئاڵا تاڵه‌بانی ئه‌ندامی په‌رله‌مانی عێراق له گفتوگۆیه‌کدا له‌گه‌ڵ هاوکارمان به‌ڵـێن سـاڵح له‌و باره‌یه‌وه ده‌ڵێت هۆکاری ئه‌و دواخسـتنه ده‌گڕێته‌وه بۆ ئه‌و مه‌ترسـیـیانه‌ی له ئاشـکرابوونی ژماره‌ی ڕاسته‌قینه‌ی کورد له پارێزگای که‌رکوکدا هه‌یه. ده‌شڵێت ئه‌م سه‌رژمێریـیه قۆناغێـکی زۆر گرنگی به‌ندی 140 ی ده‌سـتوری عێراق جێبه‌جێ ده‌کات، بۆیه ئه‌و هه‌موو داخوازیـیانه بۆ دواخستنی له‌م کاته‌دا به‌رزکراوه‌ته‌وه.
ده‌توانن گوێبیسـتی ده‌قی گفتوگۆكه بن له ڕێـگه‌ی كلیـكـكردنی ئه‌و فایله ده‌نـگیـیانه‌ی ده‌سته چه‌پ، ماوه‌كه‌ی 7 خوله‌كه.