ده‌سه‌ڵاتدرانی دادوه‌ری ئێران چه‌ندین ڕیفۆرمخوازی باڵایان دادگایی‌کردووه له ناویاندا که‌سـایه‌تیـیه‌ک که به ڕابه‌رێـکی باڵا ده‌ژمێردرێت له ناو بزووتنه‌وه‌ی دیموکراسی‌خوازاندا.
ئه‌مڕۆ سێشه‌ممه دادپـرسی ئێرانی داوای سه‌خترین سـزای کرد بۆ ڕۆشنبیری کاریگه‌ری ئێران سه‌عید حه‌جاریان ئه‌وه‌ی له ئاکامی هه‌وڵی کوشـتنیدا له سـاڵی 2000 وه نیمچه ئیفلیجه. له به‌یانـنامه‌یه‌کدا که له بری به‌ڕێز حه‌جاریان خوێنرایه‌وه ناوبراو داوای لێـبووردنی کرد و ده‌سـت‌له‌کارکێشـانه‌وه‌ی خۆی ڕاگه‌یاند له پارتی ئۆپـۆزیسـیۆن ئه‌وه‌ی به ورووژاندنی توندوتیژی و نائارامی تۆمه‌تبارکراون.
دادگای به کۆمه‌ڵی ئه‌مڕۆ چواره‌م دادگایه له‌وه‌تای ده‌سـتگیرکردنی به کۆمه‌ڵی خۆپـیشـانده‌ران به تاوانی به‌شـداریـیان له نائارامیدا پاش هه‌ڵـبژاردنه‌وه‌ی سه‌رۆک مه‌حمود ئه‌حمه‌دی‌نه‌ژاد له هه‌ڵـبژاردنی مشـتومڕ له‌ئامێزی 12 ی مانگی شه‌شی ڕابردوو.
ڕێـکخراوه‌کانی مافه‌کانی مرۆڤ ده‌ڵێن ئه‌و دادگایی‌کردنانه ته‌نها ڕووکه‌شن، چونکه به زۆر وا له ده‌سـتگیرکراوان کراوه دان به تاوانی نادروسـتدا بنێن.
له ناو ڕێفۆرمخوازانی باڵادا که دادگایی‌ده‌کرێن جێـگری پـێشـووی وه‌زیری ناوخۆ مسـته‌فا تاجزاده و جێـگری پـێشـووی وه‌زیری ده‌ره‌وه موحسن ئه‌مین‌زاده و گوته‌بێژی پـێـشووی حکومه‌ت عه‌بدوڵڵا ڕه‌مه‌زان‌زاده‌ی تیان.