میدیای ده‌وڵه‌تی ئێرانی ده‌ڵێت ئێران په‌سه‌ندی ده‌سـتپـێـکردنی وتووێژه‌کانی کردووه له‌گه‌ڵ شه‌ش وڵاتانی ده‌سه‌ڵاتداری جیهان له باره‌ی کێشه‌کانی ئاسایش و ئابووری جیهانی له سه‌ره‌تای مانگی ئۆکتۆبه‌ر.
میدیای ئێرانی ده‌ڵێت سه‌رۆکی وتووێژکه‌ری ناوه‌کی ئێران سه‌عیدی جه‌لیلی له ته‌له‌فۆن‌کردنێـکدا له‌گه‌ڵ سه‌رۆکی ڕێبازی ده‌ره‌وه‌ی یه‌کێتی ئه‌وروپا خافێر سـۆلانا ڕێـکه‌وتووه له‌سه‌ر وتووێـژکردن له مانگی ئاینده‌دا.
وته‌بێژی سـۆلانا ده‌ڵێت دیپـلۆماتی یه‌کێتی ئه‌وروپا له 1 ی ئۆکتۆبه‌ر له‌گه‌ڵ جه‌لیلی کۆده‌بێته‌وه. شوێنی کۆبوونه‌وه‌که هێشـتا ده‌سـتنیشـان نه‌کراوه.
ڕوون نیـیه ئاخۆ وتووێژه‌کانی سـۆلانا - جه‌لیلی، نوێنه‌رانی شه‌ش وڵاتانی ده‌سه‌ڵاتداری جیهانیش ده‌گرێته‌وه یان نا.