ده‌سه‌ڵاتدارانی بورما ده‌ڵێن دادگایه‌کی ئه‌و وڵاته داواکاری ئیستئنافی ڕاپه‌ری ئۆپـۆزیسـیۆن ئان سان سوکی‌یان ڕه‌تکردۆته‌وه سه‌باره‌ت به تاوانبارکردنی ئه‌م دوایـیه‌ی.
ئه‌مڕۆ دادگای ڕانگون تاوانبارکردنی براوه‌ی خه‌ڵاتی نۆبڵی هه‌ر وه‌کو خۆی هێشـته‌وه له‌سه‌ر پـێشـێلکردنی مه‌رجه‌کانی ده‌ستبه‌سه‌ری له ماڵه‌که‌ی خۆیدا. ناوبراو له مانگی هه‌شتی ڕابردوودا بۆ ماوه‌ی 18 مانگی تر زیندانکردنی درێژه پـێـدرا پاش ئه‌وه‌ی پـیاوێـکی ئه‌مه‌ریکی به‌بێ بانگهێشـتکردن به مه‌له خۆی گه‌یاندبووه ماڵه‌که‌ی.
له میانه‌ی دانشتنی دادگادا پارێزه‌ری ئان سـان سـوکی داکۆکی له‌سه‌ر ئه‌وه کرد که قانونی سـزادانی ئان سـان سوکی له‌سه‌ر بنچینه‌ی ده‌سـتورێـکی به‌سه‌رچووه‌وه هه‌ر بۆه‌یه قانونه‌که‌ش به‌سه‌رچووه.
یه‌کێـک له پارێزه‌رانی ده‌ڵێت داوای پـیاداچوونه‌وه‌ی ئه‌و بڕیاره ده‌که‌ن له دادگایه‌کی بڵندتر و که‌مێـکیش ئومێدیان هه‌یه.
شـایه‌نی باسه له‌گه‌ڵ ده‌رچوونی بڕیاری دادگادا حکومه‌تی له‌شـکری بورما که‌وتوونه‌ته ژێر کوشـارێـکی زۆره‌وه بۆ ئازادکردنی ئان سـان سـوکی به تایبه‌تی له لایه‌ن ئه‌مه‌ریکاوه.