سه‌دان قوتابخانه له ناوه‌ڕاست و باشوری عێراق به‌هۆی بڵاوبوونه‌وه‌ی نه‌خۆشی ئه‌نفلۆنزای به‌راز ده‌رگاکانیان به ڕووی خوێندندا داخران. 3 حاڵه‌تی مردنیش له سه‌رانسه‌ری عێراق تۆمارکرا.
له یازده پارێزگای عێراق تووشبووان به ڤایرۆسی H1N1 گه‌شته 113 حاڵه‌ت. هه‌روه‌ها له ناو ڕیزه‌کانی سـوپای ئه‌مه‌ریکاش 403 تووشبوو به هه‌مان ڤایرۆس تۆمارکرا.
جێـگه‌ی ئاماژه‌یه پارێزگای واست له باشوری عێراق به‌رزترین ڕێژه‌ی تۆمارکرد له بڵاوبوونه‌وه‌ی ئه‌م نه‌خۆشـیـیه که ژماره‌که‌ی گه‌یشـته 55 حاڵه‌ت و زۆربه‌ی تووشبووانیش خوێنداری سه‌ره‌تایی‌ین.
له‌و باره‌یه‌وه گۆران تۆفیق په‌یامنێری ده‌نگی ئه‌مه‌ریکا له به‌غدا ڕاپـۆرتی ناردووه و تیایدا چاوپـێـکه‌وتنێـکی له‌گه‌ڵ دکتۆر خه‌میس سه‌عید بریکاری وه‌زیری ته‌ندروسـتی عێراق سـازداوه، ده‌توانن گوێبیسـتی بن له ڕێـگه‌ی كلیـكـكردنی ئه‌و فایله ده‌نـگیـیانه‌ی ده‌سته چه‌پ، ماوه‌كه‌ی 4:35 خوله‌كه.