جۆ بایدن جێـگری سه‌رۆکی وڵاته یه‌کگرتووه‌کانی ئه‌مه‌ریکا سه‌رله‌نوێ نوری ئه‌لمالیکی سه‌رۆک وه‌زیری عێراقی دڵنیا کردۆته‌وه که سـتراتیژیـیه‌تی نوێی ئه‌مه‌ریکا له ئه‌فغانسـتان له‌سه‌ر په‌یوه‌ندی دوو لایه‌نه‌ی نێوان ئه‌مه‌ریکا و عێراق ناکه‌وێت.
له ڕاگه‌یاندنێـکی کۆشـکی سـپـیدا هاتووه جۆ بایدن ڕۆژی سێشه‌ممه به ته‌له‌فون په‌یوه‌ندی کردووه به سه‌رۆک وه‌زیری عێراقیـیه‌وه به مه‌به‌سـتی وتووێژکردن له‌سه‌ر بڕیاری سه‌رۆک ئۆباما بۆ به‌ره‌وپـێشـچوون له ئه‌فغانسـتان و له پاکسـتانیش.