لە درێژەی کاردانەوەکان دژی لەشکرکێشی سوپای تورکیا بۆ سەر شاری عەفرین، شاری سلێمانی هەفتەی پشتگیری لە عەفرین ڕادەگەیەنێت کە تێیدا چەندین چالاکی جۆراوجۆری هونەری و ڕۆشنبیری لە هەریەکە لە فیلمی سینەمایی و دیکۆمێنتاری و پانێڵ و شانۆی سەرشەقام لە خۆ دەگرێت و هەموو چالاکییەکان پەیوەستن بە خەباتی ڕزگاریخوازی گەلی کوردەوە و چالاکییەکان لە ڕۆژی شەممە بەرواری ٤٣\٢ەوە دەستپێدەکات و تاکو ڕۆژی هەینی بەرواری ٢\٣ بەردەوام دەبێت.
ڕەوەز حەمە ساڵح، بەڕێوبەری ناوەندی غەزەلنووس لە لێدوانێکیدا بۆ دەنگی ئەمەریکا ڕایگەیاند کە بە هاوکاری لەگەڵ چەند ناوەندێکی تر، هەفتەی پشتگیری عەفرینیان ڕاگەیاندووە و چالاکییەکان هەشت فیلم لە خۆ دەگرێت کە دوانیان فیلمی دۆکیۆمێنتارییە. وتیشی کە چوار ڕۆژی سەرەتا تایبەتە بە فیلم کە هەموو فیلمەکان بە بێ بەرامبەر پەخش دەکرێت، ڕۆژی چوارەم و پێنجەمیش دوو پانێڵ لە خۆ دەگرێت و ڕۆژی حەوتەم و کۆتایی بە شانۆیەکی سەرشەقام لە پارکی ئازادی کۆتایی بە چالاکییەکان دەهێنن.
Your browser doesn’t support HTML5
وتووێژ لەگەڵ ڕەوەز حەمە ساڵح