سەرۆکی ئەمەریکا جۆو بایدن دەڵێت بەنیاز نییە لە گەشتەکەی مانگی داهاتوویدا بۆ ناوچەکە کۆبوونەوەیەکی دووقۆڵی لەگەڵ شازادەی جێنشینی سعودیە محەمەد بن سەلماندا ئەنجام بدات، وتیشی تەنها تەنها لە چوارچێوەی " کۆبوونەوەیەکی فراوانتری نێودەوڵەتیدا " چاوی بە شازادەی سعودیە دەکەوێت.
سەرۆک بایدن کاتێک پرسیاری لێکرا سەبارەت بەوەی چۆن لە میانەی سەردانەکەیدا بۆ سعودیە مامەڵە لەگەڵ بابەتی کوژرانی ڕۆژنامەنووسی سعودی جەمال خاشقچیدا دەکات، وتی " لەگەڵ محەمەد بن سەلماندا کۆنابمەوە. بەشداری کۆبوونەوەیەکی نێودەوڵەتی دەکەم و ئەویش لەوێ دەبێت."
سەرچاوە/ ڕۆیتەرز