سەرۆک وەزیری کەنەدا ئەو هێرشە تێرۆرستیـیەی شەرمەزارکرد کە ڕۆژی شەممە لە شارێکی سۆماڵ ڕووی دا و بووە هۆی کوژرانی 26 کەس، لەوانە ڕۆژنامەوانێکی ژنی کەنەدی بە ڕەچەڵەک سۆماڵی.
جەستن ترودۆ لە بەیاننامەیەکدا بە ناوی هەموو کەنەدیـیەکان پـرسە و سەرەخۆشی ئاڕاستەی هاوڕێ و کەسوکاری ڕۆژنامەوان هۆدان نالایـیە کرد کە لەگەڵ هاوسەرەکەیدا لەو هێرشەی گروپی شەبابی سۆماڵی بۆ سەر هوتێلێک لە شاری کیسمایۆ کوژران.
Le Canada condamne l’attentat terroriste en Somalie. Nos pensées vont aux victimes et à leurs familles, dont la Canadienne d’origine somalienne Hodan Nalayeh. Le Canada pleure sa perte de même que la Somalie et les milieux journalistiques du monde. https://t.co/pBKdcuaYdy
— Justin Trudeau (@JustinTrudeau) July 14, 2019
گوتیشی خانم هۆدان نالایـیە لە کارەکانیدا تیشکی دەخستە سەر چیرۆکە ئەرێنیـیەکانی سۆماڵ، وە کارەکانی نیشانی دەدا چۆن ئازادی ڕۆژنامەگەری تێروانینی فراوانتر دەستەبەردەکات، بۆیە کەنەدا و کۆمەڵگەی سۆماڵی و ڕۆژنامەوانان لە سەرانسەری جیهان بۆ لەدەستدانی هۆدان بەداخن.
لە لایەکی دیکە ئەحمەد حسێن وەزیری کۆچبەری سۆماڵ کە ئەویش بە ڕەچەڵەک سۆماڵیـیە، ماتەمینی خۆی بۆ لەدەستدانی ڕۆژنامەوان هۆدان دەربڕی و ئاماژەی بۆ ڕۆڵی ئەو ڕۆژنامەوانە کرد لە نیشاندانی بەشداریـیەکانی ڕەوەندی سۆماڵی لە نێو کۆمەڵگەی کەنەدیدا.
Through her work as a journalist, Hodan highlighted the community%27s positive stories and contributions in Canada. She became a voice for many.We mourn her loss deeply, and all others killed in the #KismayoAttack. https://t.co/O87FIWNlqd
— Ahmed Hussen (@HonAhmedHussen) July 13, 2019
جێی ئاماژەیە ڕۆژی شەممە گروپی چەکداری سۆماڵی سەر بە ئەلقاعیدە هێرشیان کردە سەر هوتێلێک لە شاری کیسمایۆ کە لەوێ ژمارەیەک لە نوێنەران و سەرۆک خێڵەکان کۆدەبوونەوە بۆ تاووتوێکردنی هەڵبژاردنە خۆجێـیەکانی بڕیارە لەم نزیکانە ئەنجام بدرێن.
کاربەدەستانی ئاسایشی سۆماڵی دەڵێن هێرشبەرەکان جلوبەرگی پـۆلیسیان پـۆشیبوو و سەرەتا ئۆتۆمبیلێکی بۆمبڕێژکراویان لە بەردەم هوتێلەکەدا تەقاندووەتەوە و پاشان هێرشیان کردووتە سەر خەڵکەکە و جگە لەو 26 کەسەی کوژراون کە دووانیان ڕۆژنامەوان بوون، 56 کەسی دیکە برینداربوون.