سەرۆکی تورکیا ڕەجەب تەیب ئەردۆغان دەڵێت بە تەنها سەرکردایەتی ئیسڕائیل بەرپرسە لە گرژییەکانی ئەمدواییانەی ڕۆژهەڵاتی ناوەڕاست.
ئەردۆغان لە کۆنفرانسێکی ڕۆژنامەوانیدا دوای کۆبوونەوەی کابینەکەی وتی " ئیسڕائیل هەوڵی وروژاندنی ململانێیەک دەدات لە ناوچەکەدا، هێرشەکەشی بۆ سەر باڵیۆزخانەی ئێران لە دیمەشق دوایین هەوڵی بوو."
وتیشی ململانێی نوێ لە ناوچەکەدا ڕێیان تێدەچێت هەتاوەکو " کارە دڕندانەییەکان و کۆمەڵکوژییەکە " لە غەززە بەردەوام بن. هەروەها ڕەخنەی لە ڕۆژئاوا گرت لەسەر سەرکۆنەکردنی هێرشەکەی ئێران بۆ سەر ئیسڕائیل و سەرکۆنە نەکردنی هێرشەکەی ئیسڕائیل بۆ سەر باڵیۆزخانەی ئێران.
شەوی شەممە ئێران بە سەدان موشەک و فڕۆکەی بێفڕۆکەوان هێرشی کردە سەر ئیسرائیل، بەرپرسانی ئیسڕائیلیش بەڵێنیانداوە وەڵام بدەنەوە.
سەرچاوە/ ڕۆیتەرز
