ڕکابەری سەرەکی ئەردۆغان پێش هەڵبژاردنەکانی تورکیا داکۆکی لە کوردەکان دەکات

ڕکابەری سەرەکی سەرۆکی تورکیا ڕەجەب تەیب ئەردۆغان لە هەڵبژاردنەکانی سەرۆکایەتی تورکیادا کە بڕیارە مانگی داهاتوو بەڕێوەبچێت داکۆکی لە مافەکانی کورد کرد و ئەردۆغانی تۆمەتبار کرد بە تۆمەتی زیادکردنی گرژییە نەژادییەکان لەپێناو دەستکەوتی سیاسیدا.

لێدوانەکانی سەرۆکی پارتی گەلی کۆماری " جەهەپە " و کاندیدی سەرۆکایەتی هاوپەیمانی نیشتیمانی تورکیا، کەمال کلیچدارئۆغلو، دوای چەند هەفتەیەک دێت لە هەوڵەکانی ئەردۆغان بۆ لکاندنی ئۆپۆزسیۆنی تورکیا بە هێزە کوردییەکانەوە.

کلیچدارئۆغلو ڕابەرایەتی هاوپەیمانێتییەکی شەش پارتی دەکات و ئاستەنگییەکی گەورەی لەبەردەم بیست ساڵ حکومڕانی ئەردۆغاندا دروست کردووە.

بەردەوامبوونی کۆنتڕۆڵکردنی پەرلەمانی تورکیا لەلایەن ئەردۆغانەوە لە ڕێی هاوپەیمانێتییەکی نێوان پارتەکەی و گروپێکی ڕاستڕەوی توندڕەوەوە گومانی لێدەکرێت.

ئەردۆغان هەوڵیداوە وزە بدات بە لایەنگرە نەتەوە پەرستەکانی لەڕێی ناساندنی کلیچدارئۆغلۆوە وەکو پشتیوانکارێک لە دوژمنانی تورکیا، کلیچدارئۆغلۆ لە نەژادی ئەلیڤییەکانەوە و خەڵکی هەرێمێکی تورکیایە کە زۆرینەی دانیشتوانەکەی کوردن.

کلیچدارئۆغلۆ بە داکۆکیکردن لە مافی کوردەکان وەڵامی ئەردۆغانی دایەوە.

کلیچدارئۆغلۆ لە پەیامێکی ڤیدیۆییدا کە لە تویتەر بڵاوکراوەتەوە دەڵێت " لە ئێستادا ملیۆنان کورد وەکو تیرۆریست مامەڵەیان لەگەڵدا دەکرێت."

وتیشی " هەر کاتێک باس لە هەڵبژاردنەکان دەکرێت، هەر کاتێک کۆشکی سەرۆکایەتی دەبینێت کە لە هەڵبژاردنەکاندا دەدۆڕێت، ستەمێکی بە کۆمەڵ و مامەڵەکردن لەگەڵ کوردەکان وەکو تیرۆریست دەستپێدەکات."

هێرشەکانی ئەردۆغان دوای ئەوە دەستی پێکرد ئەو پارتە سەرەکییەی کوردەکان لە تورکیا کە لە مەترسی هەڵوەشاندنەوەدایە بەهۆی ئەوە گوایە پەیوەندی بە هێزە کوردییەکانەوە هەیە، مانگی ڕابردوو پشتیوانی خۆی بۆ کلیچدارئۆغلۆ ڕاگەیاند.

پارتەکە لە هەڵبژاردنە نیشتیمانییەکەی ڕابردوودا زیاتر لە سەدا 10 ی دەنگەکانی بە دەستهێناوە و وەکو پاشا دروستکەر دادەنرێت لە کێبڕکێکەدا.

سەرچاوە/ فرانس پرێس