پەیمانگای ئەمەریکی بۆ زمانی ئینگلیزی (المعهد الأمریكي للغة الأنجليزية) لە ناوچەی غەدیری شاری نەجەفی باشوری عێراق تەقینراوەتەوە و زیانێکی زۆری ماددی بەر بیناکەی کەوتووە.
شەوی پـێنجشەممە لەسەر هەینی بینای پەیمانگاکە بە بۆمبێک کراوەتە ئامانج و هێزەکانی پـۆلیس و ئاسایش گەیشتوونەتە شوێنی ڕووداوەکە. دەڵێن بۆمبەکە هیچ زیانی گیانی لێ نەکەوتووەتەوە.
#شاهد || استهداف المعهد الأمريكي لتعليم اللغة الإنكليزية بحي الغدير وسط #النجف pic.twitter.com/u9DiCyXOTW
— مركز أخبار العراق (@Newsofiraq) September 18, 2020
چالاکوانانی عێراقی ئۆباڵی هێرشەکە دەخەنە ئەستۆی گروپە چەکدارەکانی سەر بە ئێران و بە شێوەیەکی گاڵتەئامێز لە تۆڕەکانی سۆشیال میدیا نووسیویانە "وەها تۆڵەی قاسم سولەیمانی دەکەنەوە؟" دەشڵێن پەیمانگاکە تەنیا شوێنێکە بۆ فێرکردنی زمانی ئینگلیزی.
تفجير يستهدف المعهد الأمريكي للغة الانكليزية، في حي الغدير بمدينة النجف..المقاومة الدولية لمواجهة اللغة الانكليزية و الناطقين بها .هكذا ينتقمون لقاسم سليماني؟ pic.twitter.com/KYioUHElDm
— شاهو القرةداغي (@shahokurdy) September 17, 2020
هاشم گەرعاوی جێگری پارێزگار نەجەف لە لێدوانێکیدا بۆ کەناڵی ئەلغەدیر گوتی پەیمانگاکە هیچ پەیوەندیـیەکی بە ئەمەریکاوە نیـیە و تەنیا خاوەنی شوێنەکە ئەو ناوەی لێ ناوە.
گوتیشی کامێراکانی چاودێری ناوچەکە ڤیدیۆی کەسێکی گرتووە کە شتێکی لە بەردەم پەیمانگاکە داناوە و پاش چوار خولەک تەقینەوەکە ڕوویداوە.