پەرلەمانتارێـکی سەربەخۆ لە پەرلەمانی عێراق دەڵێت ئەو پـرۆسە دەنگدانەی ڕۆژی چوارشەممە لە پەرلەمان عێراق سازکرا بۆ لێسەندنەوەی متمانە لە هوشیار زێباری وەکو وەزیری دارایی، بە شێوەیەکی یاسایی‌یانە بەڕێوەچووە.
عادل نوری کە پـێشـتر لە فراکسیۆنی یەکگرتووی ئیسلامی کوردسـتان بوو و ئێسـتا وەکو پەرلەمانتارێـکی سەربەخۆ درێژە بە کارەکەی دەدات، لە وتووێژێـکدا لەگەڵ خالید فەتاح لە بەشی کوردی دەنگی ئەمەریکا گوتیشی ئەو وەکو کورد ئەگەر ئەم هەنگاوە لایەنێـکی سیاسی لە پشـتەوەیە لە دژی کورد، ئەوا لای ئەو جێی قبوڵ نەدەبوو.
پاشان جەختی لەوە کرد مەسەلەکە بۆ بە ئامانجکردنی کورد و سووننە نیـیە و لە قۆناغی داهاتوو لێپـرسینەوە لەگەڵ هەردوو وەزیری دەرەوە و تەندروستیش دەکەن.
Your browser doesn’t support HTML5
وتووێژ لەگەڵ عادل نوری