سەرۆک وەزیرانی عێراق مستەفا کازمی کۆتاییهاتنی ئەرکە جەنگییەکانی ئەمەریکای لە عێڕاق ڕاگەیاند.
مستەفا کازمی ئەمڕۆ چوارشەممە لە تویتێکدا ڕایگەیاند " ئەرکە جەنگییەکانی هاوپەیمانی نێودەوڵەتی لە عێراق کۆتاییهات و سەرجەم کەرەستەکانیشیان بردە دەرەوەی وڵات، لەمەولا ئەرکی ئەوان دەبێتە ڕاوێژکاریی و پاڵپشتی بە گوێرەی دەرەنجامەکانی دیالۆگی ستراتیژی. سوپاس بۆ هاوبەشەکانمان لەشەڕی دژی داعش و هێزەکانمان ئامادەن بۆ بەرگریکردن لە گەلەکەمان."
ئەرکە جەنگییەکانی هاوپەیمانی نێودەوڵەتی لە عێراق کۆتاییهات و سەرجەم کەرەستەکانیشیان بردە دەرەوەی وڵات، لەمەولا ئەرکی ئەوان دەبێتە ڕاوێژکاریی و پاڵپشتی بە گوێرەی دەرەنجامەکانی دیالۆگی ستراتیژی. سوپاس بۆ هاوبەشەکانمان لەشەڕی دژی داعش و هێزەکانمان ئامادەن بۆ بەرگریکردن لە گەلەکەمان.
— Mustafa Al-Kadhimi مصطفى الكاظمي (@MAKadhimi) December 29, 2021
جۆو بایدن سەرۆکی ئەمەریکا و مستەفا کازمی سەرۆک وەزیرانی عێراق لە مانگی حەوتدا ڕێکەوتنێکیان مۆرکرد بۆ ئەوەی بە فەرمی کۆتایی بە ئەرکە شەڕکەرەکانی ئەمەریکا لە عێراق بهێنن تا کۆتایی ساڵی 2021.