ڕێکخراوی داعش بەرپرسیارێتی هێرشێکی ڕاگەیاند کە بووە هۆی کوژرانی لانی کەم 15 هاوڵاتی مەدەنی لە گوندێکی باکووری ڕۆژهەڵاتی کۆماری دیموکراتی کۆنگۆ، هێرشەکەش ڕۆژی یەکشەممە ڕوویداوە.
گروپێکی مافەکانی مرۆڤ و بەرپرسێکی ناوخۆی وڵاتەکە ڕۆژی دووشەممە وتیان باوەڕوایە ئەو چەکدارانەی هێرشیان کردۆتەسەر گوندی بۆولۆنگۆ لە هەرێمی کیڤوی باکووری کۆنگۆ ئەندامانی هێزەکانی هاوپەیمانێتی دیموکراتی بووبێتن، چەکدارەکان ماڵەکانیان تاڵان کردووە و هەر کەسێک هاتبێتە بەردەمیان کوشتوویانە و ئاگرییان بەرداوەتە شەش ئوتومبێل.
هێزەکانی هاوپەیمانێتی دیموکراتی میلیشیایەکی ئۆگەندان و لە ساڵەکانی نەوەدەکانەوە لە ڕۆژهەڵاتی کۆنگۆدا چالاکن و ژمارەیەکی زۆر لە هاوڵاتیانی مەدەنییان کوشتووە، زۆرینەیان لە هێرشەکانی نیوە شەودا بوون و بە چەقۆ کوشتنەکانیان ئەنجامداوە. لە ساڵی 2019 دا بووە هاوپەیمانی ڕێکخراوی داعش.
ڕێکخراوی داعشیش وتی چەکدارەکانی نزیکەی 20 هاوڵاتی مەسیحییان کوشتووە و ئاگرییان بەرداوەتە شەش ئوتومبێل، لە هێرشێکدا کە چەکی قورسییان تێدا بەکارهێناوە و دەڵێن بە پارێزراوی گەڕاونەتەوە بنکەکانی خۆیان.
سەرچاوە/ ڕۆیتەرز
