وەزارەتی تەندروستی لوبنان بڵاویکردەوە لە هێرشێکی ئاسمانی ئیسڕائیلدا بۆ سەر باشووری بەیروت لانیکەم کەسێک کوژراوە و 15 کەسی دیکە بریندار بوون، هێرشەکەش بەبێ هیچ ئاگادارکردنەوەیەکی پێشوەخت بووە.
ڕاگەیاندنەکەی وەزارەتەکە دوای ئەوە هات دەزگای هەواڵی نیشتیمانی لوبنان وتی " ئیسڕائیلی دوژمن هێرشێکی کردووەتە سەر ناوچەیەکی نزیک مۆڵی کاروت لە باشووری بەیروت."
وێنەگرێکی فرانس پرێس وتی هێرشەکە بینایەکی چۆڵی کردووەتە ئامانج، لە نهۆمی زەمینی بیناکەدا دوکانێکی فرۆشتنی ئوتومبێلی تێدایە.
ناوچەکە دوابەدوای هێرشەکە بە سوپا و هێزەکانی ئاسایش دەورە دراوە.
سەرچاوە/ فرانس پرێس
