وڵاتانی خۆرئاوا به ئاگاهیـیه‌وه ده‌ڕواننه ئه‌و گۆڕانکاریانه‌ی که ژماره‌یه‌ك له وڵاتانی ڕۆژهه‌ڵاتی ناوه‌ڕاستی گرتۆته‌وه و به تایبه‌تی نیگه‌رانن له‌وه‌ی نه‌کا له به‌رژه‌وه‌ندی کۆمه‌ڵه ئاینیـیه توندڕه‌وه‌کاندا بشکێته‌وه.
د. جه‌بار قادر: ڕۆڵی کورد له ڕۆژهه‌ڵاتی ناوه‌ڕاست زۆر گۆڕانکاری به‌سه‌ر هاتووه
شێکه‌ران ده‌ڵێن له‌مه‌ڕ ئه‌م نیگه‌رانیه ئاوڕیان له ڕۆڵگێڕێکی سه‌ره‌کی له ناوچه‌که نه‌داوه‌ته‌وه که له مێژه‌وه به گژ ڕژێمه سه‌رکوتکه‌ره‌کاندا چۆته‌وه و هێنده‌ی جار ده‌ستیان له له‌کار خستنیان هه‌بووه که ئه‌ویش کورده.
د. جه‌بار قادر پسپۆری بواری ڕۆژهه‌ڵاتی ناوه‌ڕاست له میانه‌ی گفتوگۆیه‌کدا له‌گه‌ڵ هاوکارمان شایان پاشا له‌و باره‌یه‌وه له‌و باوڕه‌دابوو که له داهاتوودا ڕۆڵی کورد له ناوچه‌که زۆر گرنگتر ده‌بێت که بتوانن وڵاتانی ناوچه‌که پێکه‌وه گری بده‌ن.
ده‌توانن گۆیبیستی ده‌قی گفتوگۆکه بگرن له ڕی کلیکردنی ئه‌م فایه‌له‌ی که مۆڵه‌ته‌که‌ی 11:30 خوله‌که.